Балотелли яна бир можарога аралашиб қолди

"Сьон" ҳужумчиси Марио Балотелли яна шов-шувли вазият марказида.

Италиялик ҳужумчи Швейцария чемпионати доирасидаги ўйинда (0:0) "Базель" мухлисларига ўрта бармоғини кўрсатган, ўйиндан кейин эса ҳакамларни танқид қилган.

"Ишонинг, мен каби футболчилар адолатсизлик, коррупция ва лаёқатсизлик ҳукмрон бўлган лигада эканлигидан фахрланишмайди. Футбол – бу иш ва барчамиз ҳар доим бунга жиддий қарашимиз керак. Ҳамма, шу жумладан, ҳакамлар ҳам.

Мен хато қилдим, бунинг хунини тўлайман. Лекин федерация ҳам хатога йўл қўйди, улар ҳам тўлашадими?", – деди Балотелли.

32 ёшли ҳужумчи Швейцариянинг жорий чемпионатида 8 та ўйин ўтказиб, 4 та гол уришга улгурди.