"Аякс" Кудусни минимум 45 млн евро эвазига сотишга тайёр

Sport.es хабарига кўра, 22 ёшли футболчига "Барселона", "Реал", "Ювентус", "Милан", "Манчестер Юнайтед", "Ливерпуль" ва "Эвертон" даъвогарлик қилмоқда.

Ганалик футболчининг Нидерландия клуби билан шартномаси 2025 йилгача мўлжалланган. Амстердам клуби ўз футболчиси учун камида 45 миллион евро талаб қилмоқда.

Кудус жорий мавсум Чемпионлар лигасининг 6 та ўйинида 4 та гол урди. Шунингдек, у лиганинг 14 учрашувида 5 та гол урди.

Футболчи 2022 йилги жаҳон чемпионатида иштирок этиб, Гана терма жамоаси таркибида 3 та ўйин ўтказган ҳолда 2 та гол урган.