Marca nashrining ma'lumot berishicha, "matraschilar" "Napoli"ga o'tishga yaqin turgan Xamesning transferini amalga oshirishni juda istashmoqda. Kolumbiyalik futbolchi ham Ispaniya poytaxtida qolishni afzal ko'rmoqda, lekin ushbu kelishuvga birgina to'siq "Real" rahbariyati bo'lishi mumkin. Ular LaLigadagi asosiy raqiblaridan biriga futbolchi sotishni hush ko'rishmaydi.
Shunday bo'lsa-da, Zinedin Zidan 12 iyul kuni 28 yoshga to'lgan futbolchini o'zining rejalariga kiritmagan va katta ehtimol bilan Xames yangi mavsumni boshqa klubda boshlaydi. Ayni paytda unga "Atletiko" va "Napoli" jamoalari davogarlik qilishmoqda.
Avvalroq, "matraschilar" "Benfika"dan Joao Feliksni rekord summa evaziga xarid qilishgandi.
