"Атлетико" ҳужумчиси А Серия клубига ўтишга яқин

"Рома" футболчини кейинги мавсум сотиб олиш ҳуқуқи билан мавсум охирига қадар ижарага олади.

Калинич учун А Серия бегона эмас. У олдинроқ "Фиорентина" ва "Милан" клубларида ўйнаган. 31 ёшли хорватиялик ўйинчи ўтган мавсум Испания чемпионатида 17та ўйинда майдонга тушиб, 2та гол уришга эришган.

Футболчининг "Атлетико" билан тузган шартномаси 2021 йилга қадар мўлжалланган. Унинг трансфер нархи 10 миллион еврони ташкил этади.

Калинич "Атлетико"дан ташқари "Хайдук", "Пула", "Шибеник", "Блэкберн Роверс", "Днепр", "Фиорентина" ва "Милан" клубларида ўйнаган. У 2008 йилдан буён Хорватия терма жамоаси шарафини ҳимоя қилади.