"Аталанта" устози: Эртадан "Реал" ҳақида ўйлашни бошлаймиз
14 фев 2021 23:21
Янгиликлар

"Аталанта" устози: Эртадан "Реал" ҳақида ўйлашни бошлаймиз

Теглар : "Аталанта"

Бергамонинг "Аталанта" клуби бош мураббийи Жан Пьеро Гасперини "Кальяри" (1:0) билан ўйиндан кейин ўз фикрлари билан ўртоқлашди.

"Муриэль ва пенальти, мана шу вазиятлар ўйин тақдирини ҳал қилди. Яхшиямки, бизда ВАР бор, у пенальтини бекор қилди.
Бу жуда ҳам қийин ўйин бўлди. Чунки "Кальяри" яхши шаклланган жамоа, уларда жисмонан бақувват, тажовузкор футболчилар бор.
Эртадан "Реал" билан ўйин ҳақида ўйлашни бошлаймиз. "Қироллик клуби"нинг ўйинларини кўрдик. Мадрид клуби айни пайтда ёмон формада бўлишига қарамай, техникаси юқори бўлган тезкор футболчиларга эга.
Бу "Аталанта" учун жуда муҳим ўйин. Чемпионлар Лигасида ғалаба қозониш учун ҳаракат қила олмаймиз, аммо нуфузли мусобақада тажриба орттириб, А Серияда қўллашимиз мумкин", деди италиялик мутахассис.

Маълумот учун, "Аталанта" ва "Реал" ўртасидаги учрашув 24 февраль оқшомида ўтказилади.

Ҳавола :

Янгиликларни Телеграмда ўқинг!

Рейтинг: +7