"Aстон Вилла" Мартинес бўйича "Aрсенал" билан келишувга эришди

"Aстон Вилла" "Aрсенал" билан дарвозабон Эмилиано Мартинесни трансфер қилиш бўйича келишувга эришди, дея хабар берди инсайдер Николо Скира. 

Манбага кўра, "шерлар" "тўпчилар"га ўйинчи учун 20 миллион тўлайди. Футболчи янги клуби билан 4 йиллик шартнома имзолайди.

Маълумот учун, Мартинес "Aрсенал" сафига 2010 йилда қўшилган, аммо "канонирлар" посбонни кўпинча ижарага бериб юборишган. 

Аргентиналик 28 ёшли дарвозабон ўтган мавсумда барча турнирларда 23 ўйин ўтказиб, 9 марта ўз дарвозасини дахлсизлигини сақлаб қолди.