UZ

Сўнгги янгиликлар

19:28"Алавес" — "Атлетико". Таркиблар маълум  0 19:25Ўзбекистон — Ўмон 0:1 (Матнли трансляция)  23 19:03АПЛ. "Челси" Лондон дербисида ишончли ғалабага эришди  11 18:57"CAFA Nations Cup-2025". Қирғиз Республикаси ва Туркманистон ўзаро дуранг ўйнади  24 18:23"Тоттенхэм" — "Борнмут" ва МЮ — "Бёрнли" ўйинлари учун таркиблар маълум  2 18:19"Ал Наср" — "Ал Батаэҳ". Ғаниев Лига кубоги учун ўйинда асосий таркибда  2 17:52"Ньюкасл" 85+5 млн евро эвазига ҳужумчи харид қилди?!  9 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  10 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  1 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  3 14:41Расман: Нкунку "Челси"дан "Милан"га ўтди  2 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  3 12:45Ўзбекистон терма жамоаси октябрь ойида Малайзияда Уругвай билан ўйнайди   14 12:38"Боруссия" футболчисини 52 млн еврога сотмади  0

Асрор Алиқулов: "Андижон" майдонидан ғалаба билан қайтиш мени жуда хурсанд қилди" Янгиликлар

Асрор Алиқулов: "Андижон" майдонидан ғалаба билан қайтиш мени жуда хурсанд қилди"

Хабарингиз бор, кеча ПРО-Лиганинг 5-тур ўйинлари бўлиб ўтди. Ғузорнинг “Шўртан” жамоаси Андижонга сафар уюштириб, 2:0 ҳисобида ғалаба қозонди.

Учрашув якунига етгач, меҳмонлар бош мураббийи Асрор Алиқуловдан сайтимиз учун интервью олдик.


-Ўйин қийин бўлишини олдиндан билгандик. Сабаби “Андижон”нинг шу кунгача ўтказган бир нечта ўйинларини видео-тасма орқали кўриб чиққандик. Хусусан, Кубок баҳсида “Навбаҳор” билан ўтказган баҳсини томоша қилиб, яхши таассурот пайдо бўлганди. Шунга монанд тайёргарлик кўриб, сафардан ижобий натижа билан қайтишни мақсад қилгандик – дея гап бошлади Асрор Чориевич.


- “Андижон” ҳам яхши шаклланган жамоа. Таркибида Суперлигада ўйнаган футболчилар жамланган. Айниқса ўтган мавсум жамоамиз шарафини ҳимоя қилган Сирож Ҳамроев, Элдор Бойматов ҳамда Суннатилла Мамадалиевнинг имкониятларини яхши билардик. Қолаверса олдинги чизиқда тўп сурадиган ва бугунги кунда тўпурарлик қилиб келаётган, Даврон Исоқовни ҳам аълоҳида ўрганиб чиққандик. Ҳимоячиларимга кўпроқ ушбу ҳужумчига нисбатан хушёрроқ бўлишини тушунтиргандим.

- “Андижон”нинг яна бир кучли томони – унинг ашаддий ишқибозларидир. “Навбаҳор”га қарши ўтказган учрашувида ҳам мухлислар ажойиб тарзда қўллаб-қувватлаб турган.
- Шогирдларимнинг харакатларидан хурсандман. Улар охиригача курашди. Учрашув аввалида ишлаб чиқилган тактика бу – асосан қарши ҳужум остида ўйнаш эди. Кўрдингиз бугун ушбу тактика ўзини оқлади.

- Жамоамизда турли қийинчиликлар бўлишига қарамай, йигитлар ўзларида куч топиб, шижоат билан ўйнаб, етакчи жамоанинг майдонидан уч очко билан қайтиши мени жуда хурсанд қилди. Битта аҳил оила сифатида шаклланаётганлигимиз билинди. Йигитлар майдонда бир-бирларини хатоларини тўғрилаб, иштиёқ билан ўйнашди. Бунинг учун шогирдларимга раҳмат айтаман.

- Бунгача олдинги чизиқда асосан ёш футболчиларнинг хизматидан фойдаланиб келаётгандик. Бугун эса Отабек Нарзуллаевдан ҳужумкор ярим ҳимоячи сифатида фойдаланишга қарор қилдик. Жамоамиз сардори универсал футболчи саналади. Илгари асосан ҳимоячи ролида харакат қилган бўлишига қарамай, Отабек бугун иккита гол уриб жамоага фойда келтирди.

- “Андижон” ҳақида нима дейишим мумкин? Рақиб жамоадан шундай ўйин кутгандим. Мезбонларнинг ҳимоячилари – Сирож Ҳамроев ва Ильдар Маматказин узун тўп ошириш орқали, ҳужумларни бошлаб беришини билардик. Уларнинг камчилигини яхши биламан. Лекин ҳозир бу ҳақда айтиб ўтмоқчи эмасман. Шунинг учун биз кўпроқ ярим ҳимоячиларимизни бунга йўл қўймаслигини уқтириб, рақибни марказда кутиб олиш ва унга имкон бермаслиги бўйича кўрсатма бергандим – дейди “Шўртан” устози Алиқулов.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика