UZ

Сўнгги янгиликлар

23:45Лига 1. “Монако” ўз майдонида ғалаба қозонди  2 23:35Криштиану Роналду юзидан жароҳат олди. (Фото)  20 23:25Зидан: Бизга ғалабалар cерияси керак  21 23:15Кепа эртаги тугади. Дарвозабон “Атлетик” билан шартномасини узайтиришга рози бўлди   7 23:00АПЛ. “Тоттенхэм” сафарда “Саутгемптон”ни енга олмади   16 22:51Ла Лига. “Бетис” — “Барселона” LIVE   80 22:35“Лестер” ҳужумчиси жамоани тарк этиши аниқ бўлди   4 22:16Фабио Квальярелла: Хет-трикни ўзимга бағишлайман  15 22:02Испания. "Реал" "Депортиво"ни шарманда қилди  280 21:50"Ливерпуль" Старрижни қанчага сотмоқчилигини маълум қилди  12 21:40ЎФФ президенти Флорентино Перес билан учрашувда + ФОТО  37 21:22Германия. Олтита гол киритилган ўйинда "Бавария" ғалаба қозонди  16 21:10"Роналду тарихдаги энг зўри эмас"  104 20:54"Насаф" тожикистонлик футболчининг дубли туфайли Ироқнинг тўрт карра чемпионини мағлуб этди  45 20:22Диего Коста 10 кун футбол ўйнай олмайди  2

Артём Филипосян: “Таклифлар бор, лекин “Бухоро”да қолсам керак” Янгиликлар

Артём Филипосян: “Таклифлар бор, лекин “Бухоро”да қолсам керак”

Ўтган мавсум “Бухоро” шарафини ҳимоя қилган Артём Филипосянга айни дамда суперлиганинг бир нечта жамоаларидан таклифлар келиб тушмоқда.

Футболчининг эса бухороликлар билан шартномаси якунига етган. Хўш, Филипосян янги мавсум олдидан жамоасини ўзгартирадими ёки яна “Бухоро”да қолишни афзал биладими? Шу ва бошқа айрим саволларга жавоб олиш мақсадида Артём билан суҳбатлашдик.

- Артём, аҳволлариз яхшими? Янги йил байрамидан сўнг тикланиш жараёни ортда қолган бўлса керак?
- Раҳмат, ҳаммаси яхши. Маълум муддатлик дам олишдан сўнг энди астойдил тайёргарликка киришамиз.

- “Бухоро” билан тузган шартномангиз якунига етганидан хабаримиз бор. Шу боис ҳозирда сизга айрим жамоалардан чорловлар бўлаётгани ҳам табиий. Кейинги тақдирингиз хақида аниқ бир тўхтамга келиб улгурдингизми?
- Хақиқатдан ҳам, бухороликлар билан амалдаги шартномам тугаганлиги рост. Лекин бу билан жамоадан бутунлай кетдим дея олмайман. Чунки 5 январдан “Бухоро”нинг Тошкентдаги йиғинига бориб қўшиламан. Шунда битимни узайтириш борасида бафуржа гаплашиб оламиз. Бошқа жамоалардан  ҳам таклифлар бўлаётганини яширмайман. Олдин “Бухоро” мураббийлари билан гаплашиб олишим керак. Чунки Улуғбек Бақоев ва Бахтиёр Ашурматов билан бир йил ишлаб, жуда яхши муносабат ўрната олдик. Улар менга бироз шошилмай туришимни ва жамоада бу йил ҳам қолишимни истаётганини билдирди. Шундай экан энг аввало улар билан гаплашаман. Агарда янги битимнинг бандлари ҳар икки томонни ҳам қониқтирса, шу ерда қолиб ўйнашда давом этаман.

- Сизга “Бунёдкор” ва “Қизилқум”клублари томонидан ҳам қизиқиш бўлаётгани ҳақида эшитдик. Бу қанчалик хақиқат?
- Тўғриси, жамоаларнинг номларини аниқ айтмай турганим маъқул. Лекин яширмайман 3-4та таклифлар бор. Тарозини палласига қўйиб, кўриб чиқяпман. Уларнинг ҳеч бирига ҳозирча аниқ бир жавобни айтмадим. Ҳаммасини вақт кўрсатади.  

- “Бухоро”да қолиш имкониятингизни неча фоиз аниқ деб айта оласиз?
- “Бухоро”да ажойиб икки мавсумни ўтказдим. Жамоада барчаси мени қониқтиради. Агарда яна келиша олсак, шу ерда қолиб ўйнаганим маъқул деб ҳисоблайман. Менимча “Бухоро”да қолишим 80-90 фоизга аниқ.

- Мавсум-2017 сиз учун қандай ўтди?
-  Нолимайман, мавсум мен учун қониқарли кечди. Тўғри, чемпионат бошида жарохат сабаб 7-8та учрашувда иштирок эта олмадим. Москвага бориб, оёғимни операция қилдириб келганимдан сўнг, маълум муддат спорт формамга киришга харакат қилдим. Иккинчи даврадан чинакамига мавсум мен учун бошланганди. Имкон қадар ҳар бир ўйинда жамоамнинг муваффақиятга эришиши учун бор кучим билан харакат қилдим. Бош мураббийимиз Улуғбек Бақоев олий лигадаги дебют мавсумидаёқ курашчан жамоа туза олди. Таркибда яхши футболчилар жамланганди. Ўйлайманки ўтган йили ёмон натижа қайд этмадик.

- Марказий ҳимояда Владимир Баенко билан яхши тандем хосил қилдинглар. Фикримизга қўшиласизми?
- Тўғри таъкидлаб ўтдингиз, легионер ҳимоячи билан бир-биримизни яхши тушуниб харакат қилдик. Айниқса иккинчи давра ўйинларида сўзсиз тушунадиган даражага чиқдик. Майдонда қайси пайтда ким қаерга очилишини олдиндан хис қила бошладик. Баенко хаётда ҳам яхши йигит эканлиги билан ижобий таассурот қолдирди. Ўйлайманки уни жорий мавсумда ҳам “Бухоро”да олиб қолинса яна фойдаси тегади.  

Исломбек Рустамбеков суҳбатлашди.

Рейтинг: +16   

Фикрлар

championat.asia
< сўнгги янгиликларни кўриш

Энг яхшилар

Ярим финал муборак! Ярим финал муборак!
Хитойда давом этаётган U-23 Осиё чемпионати доирасидаги Япония U-23 - ...  575
Қозоғистонда ҳалок бўлган ҳамюртларимиз яқинларига таъзия билдирамиз Қозоғистонда ҳалок бўлган ҳамюртларимиз яқинларига таъзия билдирамиз
Бугун, 18 январь куни Қозоғистоннинг Ақтобе вилояти Иргиз туманида...  171
2017 йилнинг энг қизиқ 7та футбол ўйини (Android/iOS) 2017 йилнинг энг қизиқ 7та футбол ўйини (Android/iOS)
Андроид смартфонлар ёки Apple компаниясининг iOS тизимида ишловчи...  88
������.�������

CA ни Facebook да ўқиш
учун "Yoqdi"ни босинг