Артём Филипосян: "Бунёдкор"га ютқазиб қўйганимиздан кейин ортга йўл йўқ эди"
06 апр 2018 21:09
Янгиликлар

Артём Филипосян: "Бунёдкор"га ютқазиб қўйганимиздан кейин ортга йўл йўқ эди"

"Бухоро" - "Пахтакор" (1:0) ўйинидан кейин майдон эгалари ҳимоячиси Артём Филипосян ўз фикрларини билдирди.

"Ўйин қийин бўлишини билардик. Чунки "Пахтакор" жамоаси анча шаклланган. "Бунёдкор"га ютқазиб қўйганимиздан кейин ортга йўл йўқ эди.

Дастлабки мақсадимиз кучли олтиликка кириш. Бугун бирдамлик эвазига ғалаба қозондик. Мен ҳеч қачон рақиб жамоаси камчилиги ҳақида гапирмаганман. Бугун ҳам шундай қиламан.

Ҳар доим жамоани қутқаришни истайман, дарвозабонга ёрдам берганимдан ва жамоам ғалабасига хисса қўшганимдан хурсандман.

Мухлислар бугун стадионда ажойиб муҳитни яратишди. Ғалабада уларнинг ҳам хиссаси бор", - дейди Артём Филипосян.

Жаҳонгир Сотволдиев ёзиб олди