"Арсенал" ёки МЮ Гёкерешни сотиб олади. "Спортинг" нарх масаласида ён беришга тайёр

Жорий мавсум барча мусобақаларда 43 ўйинда 43 та гол урган 26 ёшли швециялик футболчига "Манчестер Юнайтед" ва "Арсенал" сингари клублар қизиқиш билдирмоқда. Гёкерешнинг  "Спортинг" билан шартномаси 2028 йилгача амал қилади ва унинг товон пули 85 млн фунтни ташкил этади. Бироқ у қишки трансфер ойнасида қолишга қарор қилган клубга содиқлигини ҳисобга олиб, "Спортинг" уни 55-70 миллион фунт оралиғидаги суммага сотишга тайёр.

Маълум бўлишича, Гёкереш "Арсенал"га ўтишни афзал кўрмоқда, чунки у Чемпионлар Лигасида ўйнашни давом эттирмоқчи. Шу билан бирга, "Манчестер Юнайтед" Европа Лигасида ғалаба қозониб, бу мусобақага чиқиши мумкин, бироқ швециялик футболчи жамоанинг ҳозирги ҳолатига ишончсизлик билан қарамоқда.

Бундан ташқари, Андреа Берта "Арсенал"нинг спорт директори этиб тайинланганидан сўнг Гёкерешга бўлган қизиқиш янада ортди. Лондон клуби Кай Хаверц ва Габриэль Жезуснинг жароҳатланганидан кейин ҳужум чизиғини кучайтириш заруриятини ҳис қилмоқда.