"Арсенал" ва Adidas ҳамкорликни 2030 йилгача узайтирди
30 сен 2022 17:18
Янгиликлар

"Арсенал" ва Adidas ҳамкорликни 2030 йилгача узайтирди

Германиянинг Adidas кийим-кечак бренди Лондоннинг "Арсенал" клуби билан ҳамкорликни давом эттиради.

Бу ҳақда клуб расмий сайти хабар берди.

Маълум қилинишича, "канонирлар" аёллар жамоасининг машҳурлигини оширишга эътибор қаратилади.

Алоҳида айтиш жоиз, "Арсенал" ва Adidas ўтган мавсумда ёшлар ўртасидаги зўравонлик сабабларига қарши курашишга қаратилган No More Red хайрия кампаниясини бошлаган эди. АПЛ 2022/23 йилги мавсуми бошлангунга қадар уй либосининг ҳар бир сотувидан 5 фунт стерлинг маҳаллий ҳамжамият лойиҳаларини қўллаб-қувватлаш учун "канонирлар" жамғармасига ўтказилди.

Эслатиб ўтамиз, томонлар 2019 йилдан бери ҳамкорлик қилиб келишади. Аввалроқ немис концерни 1986 йилдан 1994 йилгача Лондон клубининг техник ҳамкори бўлган.

Ҳавола :

Манба : arsenal.com

Янгиликларни Телеграмда ўқинг!

Рейтинг: +2