"Арсенал" Мудрик учун "Шахтёр"га 70 млн евро таклиф қилди. Клублар бонусларни муҳокама қилмоқда

"Арсенал" "Шахтёр"га вингер Михаил Мудрикнинг трансфери бўйича расмий таклиф билан чиқди.

Инсайдер Фабрицио Романонинг сўзларига кўра, лондонликлар тахминан 70 миллион евро тўлашга, шунингдек, шартномага бонусларни киритишга тайёр.

Томонлар битимга қандай қўшимча тўловларни қўшиш мумкинлигини муҳокама қилишда давом этмоқда.

22 ёшли футболчи жорий мавсум Украина чемпионатида 12 та ўйинда майдонга тушиб, 7 та гол урди ва 7 та голли узатмани амалга оширди.

Аввалроқ "Арсенал" "Челси"нинг Мудрикка бўлган қизиқишидан хавотирда эмаслиги айтилган эди.