"Арсенал" "Лестер" етакчисини ўз сафига қўшиб олмоқчи

"Арсенал" Англия Премьер-лигасининг етакчи ярим ҳимоячисига жиддий қизиқиш билдиряпти.

90 min хабарига кўра, Лондон клуби "Лестер" ярим ҳимоячиси Юри Тилемансни сотиб олишни кўриб чиқмоқда. 25 ёшли бельгиялик хавбекнинг "тулкилар" билан шартномаси 2023 йилнинг июнь ойида тугайди ва у катта эҳтимол билан узайтирилмайди.

"Арсенал" бу вазиятдан унумли фойдаланиб, футболчини қишда кичик миқдорда ёки ёзда текинга олмоқчи.

Тилеманс "Лестер"да 2019 йилдан бери ўйнаб келмоқда. У жамоа таркибида 173 та ўйин ўтказиб, 27 та гол урган ва 25 та голга ассистентлик қилган.