UZ

Сўнгги янгиликлар

19:52"Манчестер Юнайтед"да Аморим ўрнига янги номзод маълум бўлди  1 19:28Тимур Кападзе Хитой терма жамоаси бош мураббийи бўлиши мумкин  7 19:05"Вест Хэм" Поттер ўрнига Лэмпардни тайинлаши мумкин. Ҳозирда мутахассис Чемпионшипнинг "Ковентри" клубида ишламоқда  0 18:41Слот Исакнинг ўйинига баҳо берди  1 18:18"Реал" "Ювентус"га Эндрикни ижарага олишни таклиф қилганди. Италия клуби рад этди  0 17:55Ўзбекистонлик ҳакамлар ЖЧ 4-саралаш босқичи ўйинида ишлайди  1 17:46ЖЧ-1998 саралаши. Миржалол Қосимов: "БААга пенальтидан гол ура олмаган ўйинимда майдонга тушишга лойиқ эмасдим, телевизорга қарашга уялганман"  4 17:34​Билич Ўзбекистонда эмас, собиқ жамоасида иш бошлаши мумкин  6 17:15Манба: Ўткир Юсуповнинг жароҳати кутилганидан жиддийроқ бўлиб чиқди  3 17:10Суперлига. "Сурхон" - "Машъал" (матнли трансляция)  1 16:47Ўзбекистонлик ҳакам университетлар ўртасидаги Жаҳон чемпионати учрашувини бошқарди  0 16:27ЎФФ раҳбарияти Осиё Кубоги саралаши олдидан терма жамоа аъзолари билан учрашди  2 15:59"Ливерпуль" еврокубокда илк бор англиялик футболчиларсиз таркибни майдонга туширди  4 15:33Фарғонада "Нефтчи" ғалаба қозонадими? Олмалиқда нима бўлади? — 22-тур олдидан мутахассис фикри  5 15:17Суперлига. 22-тур дисквалификациялари: "Динамо", "Андижон" ва "Пахтакор"да йўқотишлар бор  3

Аргентина футзалчилари ярим финал ҳақида нималар дейишди? Янгиликлар

Аргентина футзалчилари ярим финал ҳақида нималар дейишди?

Аргентина футзал терма жамоаси аъзолари Қозоғистонга (1:6) қарши кечган баҳсдан сўнг ярим финал босқичи ҳақида фикр билдириб ўтишди.

"Биз учун финалдан олдинги финал бўлди. Биз энг максимал ўйинимизни намойиш этдик. Фикримча биз ғалабага лойиқ эдик, айниқса кучли ҳимоя чизиғимиз бунга сабаб бўла олди. Кейинги учрашув ҳақида ҳам ўйлашимиз керак. Франция терма жамоаси мундиалларда биринчи маротаба иштирок этаётганига қарамай, жиддий натижага эришишга улгурди", - дея фикр билдирди Николас Сармиенто.

"Қийин учрашув ўтказдик. Қозоғистон дунёдаги энг кучли терма жамоалардан бири эканлигини исботлади. Менинг фикримча кейинги учрашув ҳам бугунги баҳсдек қийин кечади. Франция терма жамоаси ушбу мундиалда барчани ҳайратга солмоқда", - деди Клаудино.

"Биз мусобақадаги энг қийин учрашувни ўтказдик ва Қозоғистон мундиалда давомида биз тўқнаш келган энг кучли жамоа эди, лекин биз жуда яхши ва тартибли ўйин намойиш этдик ва ғалаба қозондик. Энг муҳими мусобақадаги юришимизни давом эттириш", - деди Боло Алемани.

"Мусобақанинг энг қизиқарли учрашувларидан бири ўтказилди. Аренада бўш ўриндиқ топа олмадим, мухлисларнинг катта қисми рақиб жамоани қўллаб қувватлаганига қарамай, мухлислар билан тўлган арена ўйнаш жуда ёқимли. Биз кучли рақибга қарши яхши тайёргарлик кўргандик ва бу бизга иш берди. Дунёнинг энг яхши дарвозабонларидан бири Игитага қарши ўйнаш осон эмаслигини ўзингиз кўрдингиз. Кейинги босқич - ярим финал. Финал йўлланмаси учун кечадиган баҳсда Франция терма жамоаси бизга рақиблик қилишини ҳозиргина билиб олдим. Французларни ўрганиб чиқамиз ва уларга қарши ҳам шундай яхши ва чиройли ўйин намойиш этамиз деган умиддаман", - дея фикр билдирди Пабло Таборда.

"Биз индивидуал жиҳатлама жуда кучли жамоага қарши ўйнадик. Игитанинг ўзи жамоа қанчалик тажрибали футзалчиларга эга эканлигига исбот бўла олади. Биз ўйин давомида асосан ҳимояландик, аммо керакли вазиятларда ҳужумга ўта олдик. Ақлли ўйин намойиш этганимиз сабаб ғалаба қозона олдик деб ўйлайман. Нимчорак финал босқичидан бошлаб, мағлуб бўлган жамоалар уйларига жўнаб кетишмоқда. Биз эса ушбу мусобақа имкон қадар узоқроққа бормоқчимиз. Ярим финалда ҳар бир хатонинг аҳамияти жуда катта бўлиши аниқ", - дейди Кевин Арриета.



Абдулвосит Бектемиров суҳбатлашди


Эслатиб ўтамиз, Аргентина ярим финалда Францияга қарши баҳс олиб боради. Учрашув 3 октябрь куни соат 20:00да "Ҳумо Арена"да ўтказилади.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика