Алан Бранди: "Аргентина терма жамоаси барча учрашувларда ғалаба қозонишни мақсад қилган"

"Ўз гуруҳимизда биринчи бўлиш биз учун муҳим аҳамиятга эга эди. Биз Жаҳон чемпионатидаги барча учрашувларда ғалаба қозонишни мақсад қилганмиз. Шунингдек, гуруҳ босқичида кўп гол урдик ва бизни хурсанд қилди. Рақибларимиз анча жиддий эди, аммо биз барча жамоаларни мағлуб эта олдик. Кейинги босқичда эса, мағлуб бўлган жамоалар ўз уйларига жўнаб кетишади. Ҳар бир кичик хато қимматга тушиши мумкин. Биз икки кун давомида дам олиб, кейин эса мусобақанинг энг қийин қисмига тайёргарлик кўришни бошлаймиз", - деди Бранди.

Эслатиб ўтамиз, Жаҳон чемпионати 1/8 финали доирасида Аргентина терма жамоаси Хорватияга қарши баҳс олиб боради. Тўқнашув 27 сентябрь куни "Ҳумо" Аренада соат 20:00да старт олади.

Абдулвосит Бектемиров суҳбатлашди