АПЛ. "Ливерпуль" 4 ойлик танаффусдан сўнг ўз майдонида ғалабага эришди
10 апр 2021 21:30
Янгиликлар

АПЛ. "Ливерпуль" 4 ойлик танаффусдан сўнг ўз майдонида ғалабага эришди

Англия чемпионати 31-туридан ўрин олган "Ливерпуль" – "Астон Вилла" баҳсида мезбонлар 2:1 ҳисобида зафар қучди.

“Қизиллар” 2020 йил 16 декабрдан бери илк бор чемпионат доирасида ўз майдони “Энфилд Роуд”да ўтган учрашувда ғалабага эришди. Ўшанда Юрген Клопп шогирдлари “Тоттэнхем”дан устун келган – 2:1. Кейин эса "Ливерпуль" уйдаги 8 учрашувнинг 6 тасида (барчаси кетма-кет) мағлуб бўлиб, 2 тасида рақиблар билан дуранг ўйнаганди.

Маълумот ўрнида, амалдаги Англия чемпиони 2017 йил декабридан бери “Энфилд”да мағлубиятсиз серия қайд этаётганди. Бироқ, 21 январь куни “Бёрнли” Клопп шогирдларини тўхтатишга муваффақ бўлганди.

Ҳавола :

Манба : championat.com

Янгиликларни Телеграмда ўқинг!

Рейтинг: +11