“The Sun” нашрининг ёзишича, клублар "шаҳарликлар"нинг апелляцияси жараённи йилларга чўзиб юборишидан хавотирланиб, аниқ муддатлар белгиланишини талаб қилмоқда. Уларнинг мақсади: жазо энг кечи билан 2027/28 йилги мавсум бошланишига қадар кучга кириши шарт. Ўз навбатида, "Сити" иш ҳали якунланишдан жуда йироқ эканидан огоҳлантирди ва клуб раиси Ҳалдун Ал Муборак клуб ўз номини оқлашини таъкидламоқда.
Бу талаб жума куни 114 та банд бўйича айблов ҳукми эълон қилинганидан сўнг лигада тобора кучайиб бораётган норозиликни кўрсатади.
Рақобатчи клублар нафақат товон пули бўйича даъво аризалари киритишни режалаштирмоқда, балки энди кўп йиллик апелляциялар ортидан спорт адолати бой берилмаслиги бўйича кафолатлар ҳам талаб қилмоқда. Муаммо очиқ-ойдин: юристлар "Манчестер Сити" ҳукм устидан ҳар бир босқичда шикоят қилиб, айнан шундай узоқ давом этадиган кураш олиб боришини кутишмоқда. Клубларнинг ультиматуми ушбу қарама-қаршиликда иккинчи фронтни очмоқда: гап энди нафақат қандай жазо берилиши, балки у қачон кучга кириши ҳақида ҳам кетмоқда.
Қайд этиш жоизки, кечиктирилган ҳар бир ой мусобақа жадвалида пешқадамлик қилаётган ва навбатдаги соврин учун курашаётган "Сити" фойдасига ишлайди. Рақобатчилар эса адолатнинг кечикиши осонгина адолатдан маҳрум бўлишга айланиб кетиши мумкинлигини яхши билишади.
