АПЛ. Чемпионлик пойгаси: “Ливерпуль”

Аввало, чемпионлик учун асосий давогар бўлиб турган “Ливерпуль”дан бошлаймиз.



“Ливерпуль” (34 ўйиндан кейин, 77 очкога эга)

Қолган турлардаги рақиблари: “Норвич” (сафарада), “Челси” (уйда), “Кристал Пэлас” (сафарда), “Ньюкасл” (уйда)
Мавсум қандай якунланишидан қатий наъзар “Ливерпуль” уни муваффақиятли ўтди деб ҳисоблаши мумкин. Кўпчилик мутахассис ва букмейкерларнинг тахминини чиппакка чиқарган ҳолда жамоа Чемпионлар Лигасига қайтди. Аммо, биламизки, иштаҳа овқат вақти келади. Энди “қизиллар” мамлакат чемпиони деган ном учун энг асосий давогар бўлиб туришибди ва 24 йилдан буён чемпионликни қўлга киритмаган клубнинг шохсупага қайтиши тўлалигича Бренден Рожерс жамоасининг ўз қўлида. 

Қишда Жозе Моуриньо “Ливерпуль”ни чемпионлик пойгасида фаворит деб атаганида, ҳатто ливерпуллик мухлисларнинг ўзлари ҳам кулишганди. Бу Моуриньонинг яна бир чиқиши сифатида қабул қилинганди, холос. Бироқ, маълум бўлдики, Жозе ҳақ бўлган экан. Еврокубокларда иштирок этмагани эвазига мерсисайдликлар ҳар бир ўйинда кучга тўлган, тетик ҳолда етиб келаверишди ва Премьер-лигадаги энг жозибали футболни намойиш этиб берди. Бугунги кунга келиб, кетма-кет мағлубиятсиз ўйинлари сони 10тага етди. Урган голлари сони эса юзга яқинлашяпти.



Қолган ўйинлар орасидан энг муҳими қайси бири эканини аниқлаш учун тақвимга узоқ тикилиш шарт эмас. “Манчестер Сити”нинг кеча “Сандерленд”га қарши ўйинда очко йўқотганини ҳисобга олиб, “Ливерпуль” қолган ўйинларнинг яна бирини дкранг билан якуласа ҳам қолган ўйинлардаги ғалаба шохсупани ўзиники қилишга етарли бўлишини таъкидлаш мумкин. Шундай экан қолган ўйинлар ичидаги энг муҳими – “Челси”га қарши ўйинда, ўз майдонида мағлуб бўлмасликнинг ўзи кифоя қилади Жерард ва унинг жамоадошларига.

Психологик жиғатдан ҳам “Ливерпуль” ҳаммадан устунроқ. Жамоавий руҳиятга бу ерда, буюк Стивен Жеррард жавоб беради ва ҳозиргача у ўз ишини яхши эплаб келяпти. Бироқ бу мавсум мухлисларни сюрпризларга ўргатиб қўйди. Яқинлашиб келаётган дам олиш кунларида жамоани чемпионат элитасида жон сақлаш учун ҳаракат қилаётган “Норвич” майдонига сафар кутяпти. Луис Суарес “Кэрроу Роуд”да учталаб голлар уришга ўрганиб қолган ва ўз ананасини бузиш истаги йўқ. Айниқса чемпионатнинг ҳозирги – энг муҳим палласида.

Нил Адамснинг “Норвичи” ўтган турда “Фулхэм”га қарши яхши ўйин ўтказди. Бироқ унинг мана шу яхши ўйини ҳам гол уриш учун етарли бўлмади.



Ўз майдонидаги сўнгги ўйинда “Ньюкасл”га қарши беллашади ва бу ўйин “Энфилд” эгаларига ортиқча қийинчилик туғдирадиганга ўхшамаяпти. Шундай бўлса ҳам керак. Ахир “зақизғонлар”да ҳозир парокандалик... Лекин бу ўйингача “қизиллар” “Кристал Пэлас” майдонига сафар қилади. Тони Пьюлис жамоаси эса бу мавсумда 40 очколик кўрсатгични қайд этиб улгурди ва айнан улар уэлслик мураббий келганидан буён бўлган даврда кам гол ўтказиб юбориш бўйича “Челси”дан кейинги кўрсаткични қайд этган.

“Ливерпуль”ни мавсум финишида мана шундай кунлар кутиб турибди. Нима бўлган тақдирда ҳам улар чемпионлик учун энг асосий даъвогардир ва 16 йилдан буён АПЛ медалини орзу қилаёиган Стиви Жига шундай бахтни ҳадя этиш учун бутун жамоа ҳаракат қилишига шубҳа йўқ.

П.С. Кейинги мақолаларда "Челси" ҳамда "Манчестер Сити" тўхталамиз.

Аброр Қодиров тайёрлади