Анвар Бердиев: "Насаф" ва "Навбаҳор"? Чемпионатда барибир ҳамма билан ўйнаймиз"

Ўйин ҳақида

- Даставвал Ўзбекистон аҳлини кириб келаётган Рамазой ҳайит байрами билан табриклайман. Жанговор ўйин бўлди. "Қўқон-1912" жамоасига қарши жиддий тайёргарлик кўрдик, ўйинларини кўриб, таҳлил қилиб чиқдик. Жамоа олдинги ўйинларда 2 нафар ҳужумчи билан ҳаракат қилди. Шундан келиб чиқиб, тайёргарлик кўрдик. Дуранг адолатли натижа бўлди деб ҳисоблайман.

- "Шўртан" аввалги ўйинларни бой берганди. Бугун мавсумдаги илк очко қўлга киритилди. Буни ғалабага қиёсласа бўладими?

- Йўқ, дурангни ғалабага тенглаб бўлмайди. Жамоамиз футболчилари бундан-да кўпроғига қодир. Таркибимиз ёшлардан иборат, ўйиндан-ўйинга кучайиб борамиз. 

- Ўзбек футболида тактикалар ўзгариб кетганми ёки ҳужумчилар савияси тушиб кетганми? Голлар кам эканлигига сабаб нимада?

- Миллий чемпионатларимизда тўпупарлар легионерлардан бўлаётгани ачинарли ҳол. Бизда иқтидорлар кўп. Аввалги каби Солиев, Исоқов, Ҳамидуллаев каби ҳужумчилар яна етишиб чиқишига ишонаман. 

- Навбатдаги турларда "Насаф" ва "Навбаҳор"га қарши ўйинлар кутиб турибди. Бу жамоаларга қарши қандай тайёргарлик кўрасизлар?

- Ҳар бир ўйинга жиддий тайёрланамиз. Вазифамиз ҳар бир учрашувда очко учун чиқамиз. Чемпионатда барибир ҳамма билан ўйнаймиз.