UZ

Сўнгги янгиликлар

08:51Ўзбекистон МТЖнинг асосий футболчиси "Андижон"га ўтмоқда  1 08:25Левченко "Нефтчи"да қоладими? Мураббий бу саволга жавоб берди  1 07:55Барчаси "Сантос" учун. Неймар севимли жамоаси учун операциядан воз кечди  1 07:46Неймар гол+пас қайд этган баҳсда "Сантос" йирик ғалабани қўлга киритди  3 07:26Суперлига. Бугун 2 ва 3-ўрин эгаллари аниқланaди  5 01:35Ханси Флик: "0:3 ҳисобидан кейин кайфият тушган"  5 01:14"Арсенал" собиқ футболчиси: "Менимча Слотга Рождествогача имконият берилса керак"  4 00:59Рубен Аморим: "Агарда ўйин сифатини ҳисобга олсак, биз кўпроқ очко тўплашимиз керак эди"  1 00:39Оливер Гласнер МЮни мақтади  0 00:15Сульшер Анчелотти билан бўлган қизиқ ҳолат ҳақида гапирди  5 23:53Гирассини фақатгина 7 клуб сотиб олиши мумкин  1 23:39Манба: Самвел Бабаян - "Андижон" бош мураббийи!  56 23:13Райс "Олтин тўп"ни олиши мумкинми? Артета жавоб берди  0 22:52Андерсон Талиска: "Саудия чемпионати МЛСдан кучсиз эмас. Месси жамоаси у ерда 6:0га ютқазганди"  16 22:13Флик: "Ямал бу ўйинни унутиши керак"  2

Анвар Бердиев: "Ғалабани мухлислар ва клубимиз раҳбариятига бағишлаймиз" Янгиликлар

Анвар Бердиев: "Ғалабани мухлислар ва клубимиз раҳбариятига бағишлаймиз"

Про-лиганинг 12-туридан ўрин олган "Турон" - "Бухоро" (2:0) учрашувидан сўнг мезбонлар бош мураббийи Анвар Бердиев матбуот анжуманида иштирок этди.





Ўйин ҳақида

- "Бухоро" жамоаси устидан қозонилган ғалабани жонкуяр мухлисларимизга ва бизни ҳамиша қўллаб-қувватлаб келаётган клубимиз раҳбариятига бағишлаймиз. Футболчиларимизга алоҳида миннатдорчилик билдираман, улар бугун майдонда борларини бериб ҳаракат қилишди. "Бухоро" жамоасига навбатдаги учрашувларда омад ёр бўлишини тилаб қоламан.

- Бугун жамоангиз ҳимоя чизиғи вакиллари "Бухоро" жамоаси тўпурари Рўзимбой Аҳмедовга гол уриш имконини беришмади. Бу бўйича алоҳида тайёргарлик кўрилганмиди?

- Бизнинг олдимизда ўз мақсадимиз бор. Ҳар бир ўйинга ана шу мақсад асосида тайёргарлик кўрамиз. Масалан "Бухоро"га бошқа, "Арал Самали" ёки "Хоразм"га бошқача тайёргарлик кўрмаймиз. Мақсадимиз ҳар бир ўйинда ғалаба учун майдонга тушиш. Албатта, Рўзимбой Аҳмедов ҳозирда Про-лига тўпурарлари сафида бормоқда. Бу борада у жамоамиз ҳужумчиси Хумоюн Муртозаев билан рақобат олиб бормоқда. Шу боис ўйинга тайёргарлик вақтида бу жиҳатларни ҳам инобатга олганмиз.

- Ёзги танаффус вақтида жамоанинг қайси чизиқларига янги футболчиларни жалб этмоқчисиз?

- Ҳозир танаффусга қадар яна битта тур учрашувини ўтказамиз. Шундан сўнг селекция ишлари ҳақида ўйлаб кўришга фурсатимиз бўлади. Бу борада клубимиз раҳбарияти билан келишган холда қарор қабул қиламиз. Бизда ёзги трансферлар ойнаси вақтида янги футболчиларни таркибга жалб этиш режаси бор.

- Жамоада яхши ўйин намойиш этаётган футболчиларга Суперлигадан таклиф тушса қўйиб юборишларинг мумкинми?

- Биз таркибни мавсум аввалида тузганмиз. Ҳозирда ҳар бир футболчимиз жамоамиз учун зарур. Бизда барча футболчиларимиз билан шартномалар мавжуд. Шундан келиб чиқсак, ҳозир биз яхши ўйин кўрсатаётган футболчиларни қўйиб юбора олмаймиз.

- "Бухоро" жамоаси ҳақида фикрингиз қандай?

- "Бухоро" жамоаси бугун ёмон ўйин намойиш этгани йўқ. Жамоанинг ғалабали онлари ҳали олдинда. "Бухоро" таркибида кучли футболчилар жам бўлган кучли жамоа. Навбатдаги ўйинларга "Бухоро"га омад бўлишини тилаб қоламан.

Рейтинг:    

Фикрлар

championat.asia
< сўнгги янгиликларни кўриш
Яндекс.Метрика