Анвар Бердиев: "Ғалаба жамоаники, мағлубият эса мураббийники"

Ўйин ҳақида

- Ўйин дербига хос руҳда ўтди. "Андижон" жамоасини ғалаба билан табриклайман. "Андижон" футболчиси четлатилишидан аввал шогирдларим диққатни жамлаб ўйнаётганди, рақиб 10 киши бўлиб қолгач, хотиржамликка берилдик ва иккинчи голни ўтказиб юбордик. Ундан аввалроқ Ҳумоюн Муртазоевда яхши имконият бўлганди. "Сен урмасанг, сенга уришади" деганлари бор гап. 

- Рақиб футболчисининг четлатилиши сизнинг жамоангизни салбий таъсир кўрсатмадими?

- Йўқ, аксинча бизда кўпроқ вазият уюштиришга замин яратди. "Андижон" стандарт вазиятлардан унумли фойдаланди. Шунчаки хотиржамликка берилиш оқибатида жазоландик.

- Бугунги ўйинни мураббийлик фаолиятинингиздаги энг оғир мағлубият сифатида қабул қиласизми?

- Ҳар бир мағлубият мураббийга оғир алам қилади. Чунки ғалаба қўлга киритилганда жамоаники, мағлубият бўлса мураббийники. 

- Қанотлардан асосан бир хил тарзда ҳаводан узатма орқали ўйин ташкил этилди, бу кўп ҳам самар бермади...

- Машғулотлар жараёнида бунинг устида кўп ишлагандик, билмадим, бугун шогирдларимга ҳаяжон халал берди шекилли. Хато қилишдан қўрқиб ўйин намойиш этишди. Ўйинни таҳлил қиламиз.