Антон Вальдемар Бундеслигада иккинчи голни урди
05 мар 2018 19:54
Янгиликлар

Антон Вальдемар Бундеслигада иккинчи голни урди

Февраль ойи Антон Вальдемар учун анча қизғин ўтган.

Унинг клуби "Ганновер" 4та ўйин ўтказди ва "Фрайбург" билан ўйинда ғалаба қозонди. Айнан ўша ўйинда Вальдемар мавсумдаги биринчи ва Бундеслигадаги иккинчи голини урди. Ўзининг илк голини 2016 йилда у "Боруссия М" билан баҳсда урганди ва ўша учрашувда энг яхши футболчи бўлганди.

Ганновер

Вальдемар Антон - 28', Феликс Клаус - 54'

Бундеслига . 22-тур

10/02/2018, 19:30

Тугади

Фрайбург

Мануэль Гульде - 88'

Стадион: HDI-Arena, 37800 томошабин

Бош ҳакам: Мануэль Графе

45'

90'

Матч-центрда очиш

Ўша йил "Ганновер" Бундеслигани тарк этганди, шу боис Вальдемар ўтган мавсум Германия чемпионатида гол уриш имкониятига эга бўлмади.

Вальдемар тахминан 2 йилдан сўнг яна Бундеслигада тўп киритди. "Фрайбург" билан баҳснинг 26-дақиқасида гол уришга эришди. "Гол уришимни сезгандим. Буни анча кутдим, имкониятлар бўлганди ва тўп киритганимдан хурсандман" - дейди у ўйиндан сўнг.

Қизиғи Вальдемар бу баҳсда ҳам ўз позициясини ўзгартириб таянч ярим ҳимоясидаги Пирмин Швеглернинг ўрнида ҳаракат қилди.

"Бу жойда ўйнаган футболчида гол уриш имконияти кўпроқ бўлади, фақат ундан фойдаланиш керак" - дейди Антон.

"Биз уни бу жойда ўйнай олишини билардик. Баъзида таянч ярим ҳимоячиси сифатида ҳам ҳаракат қиларди. Энди у гол ҳам урмоқда, рақиблар учун хавфли футболчига айланмоқда. Бу мени хурсанд қилмоқда. Вальди тезкор футболчи. Ажойиб ривожланиш" - дейди "Ганновер" менеджери Хорст Хельдт.

"Кельн"га қарши баҳсни эса касаллиги туфайли ўтказиб юборди. Қизиғи, бу мавсумда Антон фақат иккита баҳсда ўйнай олмади ва иккала ҳолда ҳам рақиб "Кельн" бўлганди. Вальдемар узоқ даволанмади ва кейинги турда сафга қайтди.

Германия матбуоти хабарига кўра, Вальдемарнинг трансфер нархи 2 мавсумда 100 минг евродан 6,5 миллион еврога етди!

Владислав Гойхман

Ҳавола :

Манба : championat.asia

Янгиликларни Телеграмда ўқинг!

Рейтинг: +8