Қуръа ташлаш маросими оқшомнинг сўнгги чорак финал учрашуви – "Вест Хэм" ҳамда "Лидс Юнайтед" ўртасидаги баҳсдан сўнг бўлиб ўтди. Асосий вақти 2:2 ҳисобидаги дуранг билан якунланган мазкур ўйинда пенальтилар сериясида "Лидс"нинг қўли баланд келди.
"Манчестер Сити" чорак финалда "Ливерпуль"ни 4:0 ҳисобида тор-мор этиб, мусобақадан чиқариб юборган бўлса, "Челси" учинчи дивизион вакили "Порт Вейл" устидан 7:0 ҳисобида йирик ғалаба қозонди.
Шу билан бирга, "Саутгемптон" Премьер-лига пешқадами "Арсенал"ни 2:1 ҳисобида мағлуб этиб, турнирдаги асосий сенсациялардан бирини қайд этди.
Ярим финал қуръаси натижасида қуйидаги жуфтликлар шаклланди:
"Челси" – "Лидс Юнайтед"
"Манчестер Сити" – "Саутгемптон"
Ярим финал баҳслари 25 ва 26 апрель кунлари "Уэмбли" стадионида бўлиб ўтиши режалаштирилган.
