UZ

Сўнгги янгиликлар

19:29"Рома"нинг 100 дан ортиқ қуролланган мухлислари Ниццада қўлга олинди  0 18:58"Ливерпуль" 35 млн. еврога сотиб олган ҳимоячи бу йил бошқа майдонга туша олмайди  0 18:36Футзал. Ўзбекистон - Қирғиз Республикаси баҳси учун таркиблар маълум бўлди  4 18:25Пролига. "Жайхун" - "Олимпик-Mobiuz" 3:2  2 17:51ФИФАда ЖЧ-2030ни 64 та жамоагача кенгайтириш масаласи кўриб чиқилди  12 17:28Жиру Дембеле ҳақида: "Терма жамоада у "Олтин тўп" эгаси бўлиши мумкин деб ўйламаганман"  0 16:00Миржалол Қосимов ҳеч қачон "Андижон"га ютқазмаган   10 14:54"Сўғдиёна" билан ўйиндан олдин "Нефтчи"да битта йўқотиш  3 14:40"Навбаҳор"га 3 та гол урган "Бухоро" футболчиси кейинги турда майдонга тушмайди  4 14:28"Қизилқум" – "Насаф" ўйинида пенальти белгиланиши керакмиди? Суперлиганинг 22-туридаги ҳакамлик фаолияти таҳлили  21 14:22Гвардиола "Арсенал"га қарши ўйин ҳақида: "Фаолиятимда ҳеч қачон бунчалик узоқ ҳимояланмаганмиз"  5 13:31Гол уриб, қизил карточка олган Экитике кечирим сўради  2 12:51Моуринью "Риу Аве" билан 1:1 ҳақида: "Бош ҳакамда ирода йўқ"  10 12:44ЎФФ президенти Миллий терма жамоа ўйинчилари билан учрашди  0 11:58Футзал. Бугун Ўзбекистон Қирғизистон билан ўйнайди  1

Андрей Шипилов: «Барча майдонлар ҳам Самарқанддагидек ажойиб ҳолатда эмас...» Янгиликлар

Андрей Шипилов: «Барча майдонлар ҳам Самарқанддагидек ажойиб ҳолатда эмас...»

“Динамо” – “Металлург” (2:1) учрашувидан кейин «Металлург» бош мураббийи Андрей Шипилов матбуот анжуманида иштирок этиб, журналистлар саволларига жавоб қайтарди.

- Самарқандда ўйнаш доим ёқимли – ажойиб майдон, яхши атмосфера, ажойиб футбол ҳавоси. “Динамо” жамоасини ҳақли ғалаба билан табриклайман. Футбол шунақа, хатоларни кечирмайди. Рақиб жамоа 95 дақиқа ғалаба учун курашди ва жаноби омад ҳам охиригача курашган томонга кулиб боқди. Бизда яхши имкониятлар бор эди, аммо фойдалана олмадик. Ўйин назоратини қўлдан чиқармагандик. Иккинчи бўлим якунида нималар бўлганини тушунмай қолдим. Биз унгача вазиятлардан гол уриб, масалани ҳал қилишимиз керак эди. Ўйин охирида эса хатоларимиз голга олиб келди.

- Сервер Жепаров жароҳат олиб майдонни тарк этди. Бу борада қандай изоҳ бера оласиз?


- Жепаровнинг ҳолати аъло эмасди, аммо ўйин олдидан шифокорларимиз Сервернинг ўйинга тайёрлигини айтишди. Унинг захирадан туширилиши ҳам режамиз эди, аммо майдонга тушгач, кутилмаганда жароҳат олди. Балки иккита захира борасида хатога йўл қўйгандирмиз. Аммо бу ўзини оқлаш эмас, сабаби менда захирада яна қатор футболчилар бор эди.

- “Металлург” ўтган уч турда “Сурхон” (1:1), “Бухоро” (2:0) ва “Динамо” (1:2)га қарши майдонга тушди. Сиз рақиблар ўртасида қай даража фарқни кўрдингиз?


- Бу шахсий фикрим – камида 7-тургача Суперлигадаги барча жамоаларнинг ҳолати ва савияси бир хил бўлади. Кейин эса футболчиларнинг маҳорати жамоаларнинг натижасини белгилаб беради. Ҳозирда барча майдонлар ҳам Самарқанддаги ёки “Пахтакор”, Қаршидагидек ҳолатда эмас. Шунга қарамай, Суперлигада бугунга келиб 60-65 % майдонлар яхши ҳолатга келган. Ўйлайманки, бир ойдан кейин 6-7 тур ўтгач, ҳаммаси ўз ўрнида бўлади. Бугунги кунда фақатгина “Пахтакор” ва “Локомотив” клубларини алоҳида кўрсатиш мумкин. Аммо уларга ҳам осон бўлмаслигини “Насаф” кўрсатиб берди. Ёки айтайлик, ўз олдига катта мақсадлар қўйган “Навбаҳор”нинг ёшарган “Бунёдкор”га мағлуб бўлганини кўрсатиш мумкин. Ҳозирда таркибда кимнинг борлиги эмас, жамоадаги интизом ва курашувчанлик устун келмоқда. 7-турдан кейин маҳоратли ижрочиларга эга жамоа устун келади.

- Ўтган уч тур давомида “Металлург” посбони Сафоев ПФЛ томонидан “ойнинг энг яхши дарвозабони” номзодлари сафига киритлганди. Бугун эса гол урилган вазиятда хатога йўл қўйди. Сизнингча, ҳам айнан у ўтган уч турда энг яхши бўлдими жамоангиз сафида?

- Ўтказиб юборилган 2-голимизда биргина унинг хатоси эмас, ўша зарбагача бошқа футболчиларимиз ҳам хато қилишди. Ўтган уч тур давомида шахсан мен жамоам сафидаги энг яхши сифатида Аббос Отахоновни кўрсатган бўлардим.

Усмон Ибодов ёзиб олди.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика