Андрей Микляев: "Ўйин бобида рақибдан устун эдик"
20 сен 2020 19:30
Янгиликлар
Андрей Микляев: "Ўйин бобида рақибдан устун эдик"
- Ўйин осон ўтмади. Учрашувни яхши бошладик, учта гол уриб олдик. Кўринишидан биз ўйинни шундай тугатишимиз ҳам мумкин эди, лекин ўзимизга муаммо орттирдик. Биринчи бўлим якунида кўрсатилган қизил карточкадан кейин иккинчи таймда бир неча ўзгаришлар қилган ҳолда ўйинни қайта қуришга ҳаракат қилдик. Шу сабабдан иккинчи таймда ҳимояда ўйнашга тўғри келди, вазиятлар яратишда бироз қийналдик. Футболчилар танаффусда берилган кўрсатмаларни бажаришди. Уч очко олганимиздан хурсандман. Биз бунга ўйин бобида ҳам лойиқ эдик.

- Темурхўжа Абдухолиқов бош ҳакамга кўп бора эътироз билдирди. Унинг характери бироз ўзгаргандек.
- Билмадим. Бу ўйиннинг босимига, ҳиссиётларнинг жиловланмаслигига ҳам боғлиқ. Ўйин давомида унга ҳам бу борада кўп гапирмаслиги кераклигини таъкидлаб турдик. Ҳиссиёт ҳаммада бор. Масалан, сариқ карточка берилган вазиятда рақиблар футболчиси Эргаш Исмоилов билан боғлиқ вазиятни ҳам мисол қилиб келтирса бўлади. Барчаси тушунарсиз. Ўйинда бундай вазиятлар бўлиб туради.
Ўхшаш янгиликлар
championat.asia
ЕЧЛ. "Реал Мадрид" ўзини ўтиш ўйинларида ўйнашга мажбур қилган "Бенфика"ни мағлуб этиб, нимчорак финалга йўлга олди
EЧЛ 1/8 финал жуфтликлари маълум
ЕЧЛ. "Интер" сенсацион тарзда Норвегия клубига ютқазиб мусобақани тарк этди, "Ньюкасл" ва "Байер" 1/8 финалда!
ЖЧ-2026 можароси якунланяпти: Конго ДР ўрнига Нигерия ўйнайди
Фикрлар