Андрей Микляев: "Гол уриш бобида омадимиз келмади"
05 июл 2017 08:23
Янгиликлар

Андрей Микляев: "Гол уриш бобида омадимиз келмади"

"Бухоро" - "Локомотив" (0:0) учрашувидан сўнг меҳмонлар устози ўз фикрларини билдирди.

- Матч худди кубок ўйинларига хос тарзда ўтди, дея оламан. Биз рақибдан кўра кўпроқ тўп билан муомала қилдик. Лекин гол уриш бобида омадимиз келмади.

Таркибда йўқотишлар кўп эканидан кўпчиликнинг хабари бор. Саламат Қутибоев ҳам секин-аста жароҳатдан қутилди. У илгари “Бухоро” таркибида ўйнаган. Уни биз деярли жамоасиз қолган пайтида, яъни “Бухоро”дан кетганидан сўнг таркибга қўшиб олгандик. У эндиликда бизнинг футболчи, биз ҳали ундан кўп нарса кутяпмиз. Шу боисдан Саламатни ҳеч қайси клубга бериб юбориш ниятида эмасмиз, - деди тажрибали мутахассис.