UZ

Сўнгги янгиликлар

01:10ПСЖ Неймарни "Реал"га сотишга тайёр, "Барселона"га эса йўқ  17 00:50Роналду Амазон ўрмонлари ёниши ҳақида: "Бизнинг вазифамиз – сайёрамизни қутқариш"  7 00:30Льоренте МЮга ўтиши мумкин  0 00:05Рожерс Мэддисон ҳақида: "У футболни жуда яхши тушунишидан таъсирландим"  1 23:42Расман: "Ливерпуль" яна бир муҳим футболчиси билан шартномани узайтирди  2 23:27Шота Арваеладзе: "Сурхон" билан ўйинда биз фаворит эдик"  8 23:17Европа лигаси. "Астана" йирик ҳисобда ғалаба қозонди, "Торино" - "Вулверхэмптон" ва бошқа учрашувларнинг асосий таркиблари маълум!  4 23:09Владимир Андреев: "Сурхон" олдига чемпионатни 3-ўринда якунлаш вазифаси қўйилган"  12 22:50"Реал"да ҳамма нарса ўзгар... Тўхтанг. "Реал"га нима бўляпти?  10 22:45Компани ўйин кунлари мураббийлик вазифасини бажармайди, "Андерлехт" 4 турдан сўнг 2 очко тўплади  0 22:20Франк Рибери: "Фиорентина"га ёрдам бериш учун келдим, Роналду билан рақобатлашиш учун эмас"  14 21:55Сарри "Ювентус"нинг А Сериядаги дастлабки икки ўйинини ўтказиб юборади  4 21:25Ракитич "Барселона"да қолади  5 21:02Ўзбекистон кубоги. "Насаф" Наманганда "Навбаҳор"ни мағлубиятга учратди, сайтимиз мухбирига матбуот марказида жой топилмади  84 21:00Нико Ковач: "Коутиньо – жаҳон даражасидаги футболчи ва жуда камтар йигит"  3

Андрей Канчельскис: "Яқин келажакда Хитойга кетмоқчиман, ҳозирча иккита ишни давом эттираман" Янгиликлар

Андрей Канчельскис: "Яқин келажакда Хитойга кетмоқчиман, ҳозирча иккита ишни давом эттираман"

"Навбаҳор"нинг россиялик янги бош мураббийи Андрей Канчельскис рус матбуотига берган интервьюсида Ўзбекистон чемпионати даражаси, Хитойга кетмоқчилиги ва қанча муддатга шартнома имзолагани ҳақида гапириб ўтди.

Қуйида "Навбаҳор" бош мураббийи Андрей Канчельскиснинг рус матбуотига берган интервьюсини тақдим этамиз.


- Янги клубда сизни қандай кутиб олишди?
- Ҳаммаси яхши ўтди. Мен ҳозир ишга шўнғиганман.

- Умуман "Навбаҳор" варианти қандай пайдо бўлди?
- Агентларим бир қатор таклифлар бўйича иш олиб боришаётганди. Шунингдек, Хитой вариантлари борасида ҳам ишланаётганди. Майли, бу вариант яқин келажакда амалга ошиши мумкин. Ҳозир биз Наманганда иш бошладик. Мени олдимда "Навбаҳор"нинг қолган ўйинларини муносиб тарзда ўтказиш вазифаси қўйилган. Ҳеч бўлмаганда ҳозирги ўрнимиз, яъни учинчи ўриндан пастга тушиб кетмаслигимиз лозим. Имкон бўлса тепароққа кўтарилишга уриниб кўрамиз. Биз ОЧЛга йўлланмаси учун курашяпмиз. ОЧЛга эса дастлабки икки ўринни ва кубокни қўлга киритган жамоалар йўл олишади. Агарда "Пахтакор" кубокни оладиган бўлса, унда бизга яхши. Чунки ўшанда 3-ўрин ҳам ОЧЛ йўлланмасига эга чиқади. Олдимда турган вазифа анча қийин. Камига кўплаб ўйинларни сафарда ўтказишимизга тўғри келади. Рақиблар ичида эса "Локомотив" ва "Пахтакор" сингари жамоалар бор.

- Ўзбекистон чемпионати савиясини қандай баҳолайсиз?
- Очиғи, ҳозир буни баҳолай олмайман. Таркибдаги футболчиларга назар солдим, умуман олганда ёмон эмас. Яхши даражадаги футболчилар бисёр. Якуний баҳони эса ўйинларни ўтказиб бўлгач бераман.

- Шартнома қанча муддатга тузилган?
- Бу мавсум якуни ва кейинги йил сўнггига қадар.

- Россия талабалар терма жамоаси билан "Навбаҳор"даги фаолиятингизни бир вақтда давом эттираверасизми?
- Ҳа, буни инкор этмайман. Талабалар терма жамоаси ҳар доим ҳам йиғилавермайди. Бўш вақтим бўлганда уларни йиғиб йиғин ўтказаверамиз. Талабалар лигаси раҳбариятига менга билдираётган ишончи учун миннатдорчилик изҳор этаман. У ерда ажойиб инсонлар ишлашади. Иккала ишимни давом эттиришга қаршилигим йўқ. Айни пайтда эса асосий иш жойим Ўзбекистонда. Ҳозирча режалар шундай.

- Россия чемпионатини кузатиб борасизми?
- Албатта. Ўзбекистонда Россиянинг барча каналлари кўрсатади. Россия чемпионатини кузатаман.

Рейтинг: +26   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг