Андре Виллаш-Боаш: "Бэйлнинг кетиши "Тоттенхэм"да жамоавий ўйинни яхшироқ йўлга қўишга имкон яратди"
"Анжи"га қарши кечадиган Европа Лигаси гуруҳ босқичи ўйини олдидан "Тоттенхэм" бош мураббийи "Спорт Экспресс" муҳбирига интерью бериб, унда Бэйлнинг кетиши "Тоттенхэм" фойдасига ишлаганини айтиб ўтди.
"Гарет жудаям фойдали футболчи эди. У бир ўзи индивидуал ҳаракатлари эвазига ўйин тақдирини ҳал қила оларди. Бироқ унинг жамоадан кетиши бизга жамоавий ўйинга асосий эътиборни қаратиш имконини берди. Эриксен? Кристиан жуда истеъдодли футболчи. У бизнинг келажагимиз", деди Виллаш-Боаш.
