"Андижон". Шуҳрат Мирхолдиршаев: "Камолиддин Кенжаевни қўллаб-қувватлаймиз"

Айни пайтда акция анча авжига чиқди ва унда иштирок этишни хоҳловчилар сони ортиб бормоқда. Жорий мавсумни “Андижон” жамоасида ўтказаётган тажрибали ҳужумчи Шуҳрат Мирхолдиршаев ҳам “Камолиддин Кенжаевга ёрдам берамиз” акциясида иштирок этишини маълум қилди.

- Мен ҳам бу акцияда қатнашиб, Камолиддин Кенжаевга ёрдам бериш учун ўз ҳиссамни қўшмоқчиман. Камолиддин билан “Машъал”да бирга ўйнаганман ва у ажойиб футболчи эди. Камолиддинни тезроқ соғайишини Оллоҳдан сўрайман. Ўз навбатида футболчиларни бу акцияда иштирок этишга чақираётган Александр Гейнрихга миннатдорчилик билдираман. Оғир дамда инсонларга ёрдам қўлини чўзиш бизнинг менталитетга хос одатдир. Шу боис акция ташкилотчиларининг бу қарорини қўллаб-қувватлайман, - деди Мирхолдиршаев.