"Андижон"нинг асосий футболчисининг жароҳати жиддий бўлиб чиқди
18 ноя 08:45
Янгиликлар

"Андижон"нинг асосий футболчисининг жароҳати жиддий бўлиб чиқди

"Андижон" дарвозабони Эржан Токотаевнинг жароҳати ҳақида қўшимча маълумот берилди.

"Суперлиганинг 28-туридан ўрин олган “Қизилқум” - “Андижон” учрашувининг 17-дақиқасида жамоамизнинг қирғизистонлик дарвозабони Эржан Токотаев оёғидан олган жароҳати туфайли мажбурий равишда ўзгартирилганди.

Афсуски, текширув натижаларига кўра, дарвозабоннинг жароҳати жиддийроқ бўлиб чиқди.

Жамоамиз шифокори Ғофуржон Жўраев Эржан Токотаевнинг жароҳати ҳақида маълумот берди. Унга кўра, чап тизза бўғимининг ички пайини йиртилиши билан боғлиқ ташхис аниқланди. Бу борада жарроҳлик амалиёти ёки даволаш муолажалари кўзда тутилган.

Токотаевга тезроқ соғайиб кетишини тилаб қоламиз", - деб фикр билдирилган андижонликлар клубининг матбуот хизмати тақдим этган хабарда.

Ҳавола :

Манба : @andijonpfc

Янгиликларни Телеграмда ўқинг!

Рейтинг: -3