“Андижон” – “Сурхон” учрашувига чипталар сотувга чиқди

Шубҳасиз турнинг марказий учрашуви Андижон шаҳридаги “Соғлом авлод” стадионида кечади. Унда маҳаллий “Андижон” жамоаси Термизнинг “Сурхон” клубини қабул қилади. Суперлигага чиқиш учун кураш олиб бораётган ушбу икки жамоанинг тўқнашувини бемалол 6 очкога тенглаштириш мумкин. Чунки эртанги баҳс жамоаларнинг кейинги имкониятларига қайсидир маънода ойдинлик киритиб беради.  
Мухлислар интизорлик билан кутаётган мазкур “Андижон” – “Сурхон” учрашувига кириш хуқуқини берувчи чипталар савдо кассаларида сотилаётганини маълум қиламиз. Ишқибозларга қулайлик яратиш мақсадида чипталар нархи бир хилда -3000 сўм қилиб белгиланган.
Шундай экан, қизиқарли ва муросасиз тарзда кечиши кутилаётган ўйинга ишқибозларни таклиф этамиз. Эслатиб ўтамиз, учрашув кеч соат 19:00да бошланади.