“Андижон”: Стадион ва қароргоҳда иш қизғин ФОТО

Унга ҳар бир жамоа турлича тайёргарлик кўрмоқда. Хусусан “Андижон” жамоаси ҳам имкон қадар мавсумга пухта ҳозирлик кўришга харакат қилаётир. Жамоа раҳбарияти стадион ва қароргоҳини мавсумга шай холатга келтириш учун астойдил ишга киришган. Жумладан уй учрашувларини ўтказадиган “Соғлом авлод” стадионида таъмирлаш ишлари олиб борилмоқда. Хизматчиларнинг баҳорнинг илк кунларига қадар барча ишларни якунлаб, стадионни идеал холатга келтириши кўзда тутилган. Стадионда ўзига яраша янгиликлар жорий этилиши режалаштирилган ва бу борада иш кетмоқда. 

Фақат бу хусусда кейинроқ маълумот берамиз. Кеча стадионга ташриф буюриб, шунга гувоҳ бўлдикки, ҳар бир трибунадаги ўриндиқлар тозаланиб, пардоз ишлари олиб борилмоқда. “Бургутлар” ўз уйидаги илк учрашувини 11 март куни “Локомотив”га қарши ўтказади. Унга қадар стадионнинг идеал холатга келишига шубҳа йўқ. Дарвоқе, майдоннинг холатига келадиган бўлсак, мухлислар яхши билишса керак, “Соғлом авлод” стадионининг майдонига ажирик ўти ётқизилган. Шу боис майдон баҳор фаслининг илк ойида ям-яшил бўлади дейиш қийин. 

Ўтган мавсум жамоа шаҳардаги мехмонхоналарнинг бирида истиқомат қилганди. Жорий йилдан бошлаб эса “Андижон” яна аввалги қароргоҳига қайтадиган бўлди. Жамоа Тошкентда йиғин ўтказаётганида клуб раҳбарияти бундан унумли фойдаланган холда, базада таъмирлаш ишларини олиб борди. Қолаверса жамоа аъзоларига қулайлик яратиш мақсадида жихозлар олиб келинди. Футболчилар эртага ушбу қароргоҳда йиғилади.

“Андижон” ФК матбуот хизмати.