"Андижон" Осиёнинг энг яхши мураббийига таклиф юбормоқчи
19 мар 2020 20:34
Янгиликлар

"Андижон" Осиёнинг энг яхши мураббийига таклиф юбормоқчи

Теглар : Александр Хомяков "Андижон"Рауф Инилеев

Хабарингиз бор, яқинда “Андижон” жамоасида бош мураббий истеъфоси юз берди.

Бунгача жамоа бошқарув постида ишлаб келган Александр Хомяков ўз аризасига кўра, “бургутлар” лагерини тарк этди. Шунингдек унинг яқин ёрдамчиси бўлган Жамшид Саидов ҳам ўз аризасига кўра жамоа билан хайрлашди.

Шу боис эндиликда “Андижон” футбол клуби раҳбарияти мураббийлар штабига янги мутахассисларни таклиф этишни режалаштириб турибди. Олинган маълумотларга кўра, андижонликлар Рауф Инилеевга таклиф юбормоқчи. 2007 йилда Осиёнинг энг яхши мураббийси дея эътироф этилган 70 ёшли мураббий яқин орада “Андижон” раҳбарияти билан музокарага киришиши мумкин. Мухлислар яхши билишса керак, Рауф Талгатович 2006 йили “Андижон” жамоасини бошқарганди. Ўша йили биринчи даврани жамоа 5-ўринда якунлаган бўлса-да, Инилеевга чиқиш эшиклари кўрсатилиб, унинг ўрнига Эдгар Гесс олиб келинганди.

Шуни ҳам айтиб ўтиш лозимки, Инилеев бу сафар “Андижон”га маслаҳатчи мураббий сифатида келиши мумкин. Чунки бош мураббий лавозимига Диёрбек Мирзабоев асосий номзод эканлигини айтиш мумкин. 2018 йилдан буён жамоада ёрдамчи мураббий сифатида ишлаб келаётган 35 ёшли Диёрбек Мирзабоев клуб раҳбариятининг қарорига кўра, эндиликда бошқарувни ўз қўлига оладиган бўлди.

Ҳавола :

Манба : championat.asia

Янгиликларни Телеграмда ўқинг!

Рейтинг: -23