"Андижон" дарвозабони жароҳат сабабли мавсум бошини ўтказиб юборади
07 фев 10:35
Янгиликлар

"Андижон" дарвозабони жароҳат сабабли мавсум бошини ўтказиб юборади

"Андижон" дарвозабон Элдор Адҳамов қўлидан жароҳат олгани боис вақтинча сафдан чиқди.

Унинг соғлиги борасида Андижон клубининг шифокори Саломхон Қосимов қуйидагича маълумот берди:

“Афсуски, дарвозабонимиз Элдор Адҳамов қўлидан жароҳат олди ва рентген текширувларини ўтказганимиздан сўнг унинг ўнг қўл кафт суягининг тўртинчисида синиш борлиги аниқланди ва Анталия шаҳридаги “Antaliya Hospital” шифохонасида ўнг қўл кафт суягининг тўртинчисини репозиция - тиклаб тўғрилаш бўйича жарроҳлик амалиёти ўтказилди. Қўлига гипс боғламаси қўйилган. Ҳозирги кунда ҳолати яхши, хавотирланишга ҳожат йўқ. Элдор Адҳамов Худо хоҳласа, март ойининг бошларига асосий машғулотларга қўшилади”, - дейди жамоа шифокори.

Эслатиб ўтамиз, Суперлига баҳслари 1 мартдан старт олади.

Ҳавола :

Манба : https://t.me/andijonpfc

Янгиликларни Телеграмда ўқинг!

Рейтинг: +2