Анчелотти ва Куртуа Криштиану Роналдунинг Саудия Арабистонига ўтганини қўллаб-қувватлади

37 ёшли португалиялик юлдуз "Реал" учун 9 мавсум ўйнади ва клуб тарихидаги энг яхши тўпурарга айланди. Кришти ўтган ҳафта "Ал Насср" футболчиси сифатида таништирилди. У "Манчестер Юнайтед" билан ўзаро шартномани бекор қилганидан кейин эркин агентга айланган эди. 

"Қироллик клуби" мамлакат Суперкубоги ярим финалида чоршанба куни Ар-Риёдда "Валенсия" билан тўқнаш келади. Якшанба куни эса улар ўртасидаги ўйин ғолиби "Барселона" ва "Бетис" жуфтлиги ғолиби билан финалда титул учун кураш олиб боради.

Мадрид клуби дарвозабони Тибо Куртуа Роналдунинг Саудия Арабистони клубига ўтиши ҳақида қуйидаги фикрларни билдирди: 

"Ўйлашимча, Криштиану билан шартнома имзолаш орқали бирор давлат мамлакатда спортни ривожлантиришга интилаётганини намойиш этади. Биз буни "Формула 1"да кўрдик. Биз буни бошқа турнирларда ҳам кўрдик. Худди биз бу ерда эканимиз каби.

Саудия Арабистони Аргентинани мағлуб этди. Криштиану бу ерга ўзининг қарорига кўра келди. Лекин бу Саудия Арадистонининг ўсишга интилаётганини кўрсатади. Шундай даражадаги футболчининг ушбу лигага бориб қўшилгани лига учун жуда муҳим".

Жамоа устози Карло Анчелотти шундай қўшимча қилди: 

"Бу фантастик шартнома ("Ал Насср" учун). Биз Роналдуга барча яхши ниятларни тилаймиз. У – клубимиз афсонаси".