Амет Мемет: "Бу галги ўйин ҳам оғир ўтди"

Меҳмонлар устози гол киритилган вазиятни кўраман, дегани учун матбуот анжуманнинг биринчи қисмида “Нефтчи” жамоаси маслаҳатчи мураббийи Амет Мемет қатнашди.

- Бу галги ўйин ҳам оғир ўтди - дея гап бошлади Мемет. Бизга гол киритиш учун бир нечта қулай имкониятлар бўлганига қарамай, рақиб дарвозасини ишғол эта олмадик. Энди бу камчилик юзасидан иш олиб борамиз. Ўйлайманки, ҳақли равишда ғалаба қозондик.

- Янги ўйинчилар тобора “Нефтчи”нинг ўйин услубига мослашиб бормоқда. Масалан, бугун Вячеслав Пономарёв яхши ўйнади...

- Албатта. Вақт ўтиши билан ҳаммаси изига тушиб кетади. Мен ушбу футболчиларни яхши билмаганимда жамоага таклиф этмаган бўлардим. Кези келганда, “Нефтчи” мухлисларини жамоани ажойиб тарзда қўллаб қувватлаб туришгани учун миннатдорчилик изҳор этмоқчиман.