UZ

Сўнгги янгиликлар

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Александр Зинченко:«Уфа» мухлислари ҳамиша қалбимда қолишади» Янгиликлар

Александр Зинченко:«Уфа» мухлислари ҳамиша қалбимда қолишади»

Ўтган ҳафтада Россиянинг «Уфа» клуби ярим ҳимоячиси Александр Зинченко Англиянинг «Манчестер Сити» клуби аъзосига айланди.

У «шаҳарликлар» билан беш йиллик шартнома имзолади. Маълумотларга қараганда, манчес­терликлар Украина терма жамоаси аъзоси ҳисобланган футболчини ПСВга ижарага беришади. Манчестерга бориши биланоқ Зинченко «Championat.com» сайтига интервью берди.

— Александр, табрикларимизни қабул қилинг. Айни пайтда нималарни ҳис қиляпсиз?


— Раҳмат. Эхтирослар жунбушга келган. Лекин Англия клубига ўтиш билан ҳаммаси тугамади. Ҳали олдимда катта меҳнат турибди.

— «Уфа»дан «Манчестер Сити»га ўтиш - бунга ишониш қийин. Бир томондан ҳақиқат, бошқа жиҳатдан эса, фантастика. Шу фикрга қўшиласизми?


— Бу ўринда икки хил фикр бўлиши мумкин эмас. «Сити» жаҳоннинг энг кучли клубларидан бири. Шу жамоа аъзосига айланганимдан хурсандман. Тўғриси, бугун туғилган кунимдагидан ҳам кўпроқ табриклар қабул қилдим (кулади).

— Яқингача, «Сити» футболчиларининг ўйинларини телевизор орқали томоша қилардингиз. Эртага эса, улар билан бирга машғулотга киришасиз. Мазкур жамоа ўйинчиларидан энг ёқтирганингиз ким?


— Бу клубдаги ҳар бир футболчи борасида илиқ фикр билдирса бўлади. Чунки уларнинг барчаси юқори савиядаги футболчилар. Лекин барибир Давид Силва ва Фернандиньоларнинг ўйинларига қўпроқ эътибор бераман.


— Гвардиола билан ишлаш ажо­йибми? У ҳақда қандай фикрдасиз?

— Бир сўз билан таърифлайдиган бўлсам: у жаҳонинг энг яхши мураббийи. У билан ишга киришишни астойдил кутяпман.

— Унинг «тики-така»си ҳақида қандай фикрдасиз? Бундай футболга мослаша олишингизга ишонасизми?


— Умид қиламанки, ҳа. Умуман олганда, менга шундай ўйин услуби ёқади.

— Барибир қандайдир ҳадиксираш борми? Ҳар ҳолда шундай машҳур мураббий билан ишлайсиз...

— Ҳеч қандай хадиксираш йўқ. Аксинча, жамоа билан танишишни интизорлик билан кутяпман.

— Инглиз тили борасидаги билимларингиз қандай?


— Ўз фикримни тушунтира оламан. Лекин ҳали кўп ўрганишим керак. Ўқишим шарт. Бусиз бўлмайди.

— Янги мавсумдаги мақсадларингиз...


— Асосийси, янги жамоа, янги шароитларга мослашиб олиш. Албатта, «планка»ни ҳам максимал баландликка қўяман.

— Матбуотда агентларингиз ҳақида кўп гап-сўз бўлди. Айримлари интервью ҳам беришди. Умуман олганда, нечта агентингиз бор?


— Икки нафар. Юрий Гаврилов ва унинг ёрдамчиси Анатолий Патук. У юридик масалалар билан шуғулланади. Бошқаларнинг эса, менга, умуман, алоқаси йўқ. Шуни алоҳида айтишим мумкин, шартнома имзолаётганимда Анатолий мен билан бирга бўлди.


— Айтишларича, келишувингиз деталларини икки ой муҳокама қилишган. Бу Европа чемпионати пайтида халақит бермадими?

— Умуман, бу вақтда менинг бор эътиборим Украина терма жамоаси ўйинларига қаратилганди.

— Кетиш олдидан «Уфа» мухлисларига тилакларингиз. Улар сизга нисбатан яхши муносабатда бўлишган...


— Бу айни ҳақиқат. «Уфа» жамоасининг барча мухлисларига миннатдорчилик билдираман. Улар мени яхши кўришарди. Шу боис ҳам ҳамиша қалбимда қолишади.

Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика