Александр Хомяков: "Ҳар ҳолда "Челси"га бормаслигим аниқ"

Вазиятга ойдинлик киритиш мақсадида мураббий билан боғланганимизда қуйидагича жавобни олдик. "Ҳа, мен учун қадрдон бўлиб қолган "Машъал"дан кетяпман, - дейди Александр Андреевич. - Ишдан бўшаш ҳақида ариза ёздим ва раҳбариятга топширдим. Тез орада бошқа клубда иш бошлашдан умидворман". 

Россиялик мураббийнинг кейинги иш жойи қайси жамоа бўлади: "Андижон"ми ё "Бухоро"? Ҳар ҳолда шу икки клуб бош мураббий қидираётганидан хабаримиз бор. Хомяков қайси жамоани бошқарасиз деган саволга шундай жавоб берди: 

"Ҳар ҳолда "Челси"га бормаслигим аниқ. Мураббийлик фаолиятимни шу ерда давом эттиришни хоҳлайман. Расман шартнома тузганимдан сўнг ўзим биринчи бўлиб Championat.asia сайтига эълон қиламан. Унгача эса сир бўлиб тургани маъқул".