Александр Мочинов: "Олий лигада кичик хатолар ҳам кечирилмайди"
30 июн 2016 22:54
Янгиликлар

Александр Мочинов: "Олий лигада кичик хатолар ҳам кечирилмайди"

"Обод" - "Пахтакор" (1:4) учрашувидан сўнг мезбонлар бош мураббийи Александр Мочинов ўз фикрларини билдирди.

"Рақибни ғалаба билан табриклайман. Йирик ҳисобда ютқаздик, бундан албатта хафамиз. Йигитлар олий лига хатоларни кечирмаслигини тушунишмаяпти. Хато ва гол, хато ва гол... "Пахтакор" кичик хатолардан ҳам гол урди. Иккинчи даврадан олдин таркибни кучайтирамиз. Лекин бу борада катта ўзгаришлар бўлмаса керак. Жамоамизнинг потенциали жуда катта. Ҳар бир мураббий ҳар бир чизиқни кучайтиришни истайди. Рақобат ҳар бир футболчига фойда келтиради. Захира футболчилари билан муаммо бор, захирада асосан ёш футболчилар ўтирибди.

Ўйиндан олдин айнан Норхонов пенальти тепишни кўп бор машқ қилганди. У жамоамиз тўпурари, машғулотлар вақтида деярли барча зарбадан гол урди. Бироқ ўйин пайтида ҳаяжон бўлди шекилли... ", - дейди Мочинов.

Ҳавола :

Манба : championat.asia

Янгиликларни Телеграмда ўқинг!

Рейтинг: +4