Александр Бубнов: "Моуриньо мухлисларга тупуриб қўйган"

Ҳамма кўрди, Мадридда Жозе Моуриньо қандай услубдан фойдаланганини. Шунинг учун ҳам у жавоб баҳси олдидан бир неча етакчи футболчиларини йўқотиб қўйди. Мен олдин ҳам айтганман, "Челси" устозининг ўйин услуби менга ёқмайди. Жозенинг бу услуби ҳимоявий ўйин кўрсатадиган италияликларга ҳам ёқмаган. Тўғри, унинг бу услуби ҳозирча унга натижа олиб келмоқда. Шунинг учун бу "минус"лари кўринмай кетмоқда. Бошқачароқ ўйин билан ҳам дуранг натижасини қўлга киритиш мумкин. Бу ўйиннинг келажаги йўқ.
Мухлислар бундай футболни кутишмайди ҳеч қачон. Жозе Моуриньо мухлисларга тупуриб қўйган. "Атлетико"ни "Челси" таркиб ва ижрочилар борасида ҳам ортда қолдиради. Лекин "Челси" қўрқоқ ўйин намойиш этди. Моуриньо учун асосийси натижа ва қолгани билан иши йўқ. Аммо шуниси аниқки, 0:0 ҳисоби "Атлетико" учун ҳам яхши натижа ҳисобланади.  
Мен хоҳлардимки, Лондондаги ўйинда биринчи бўлиб "Атлетико" гол урсин ва ўшанда кўрамиз Жозе Моуриньо нима каромат кўрсатаркин. Чиройли футболга қарши ҳаракатланаётган жамоа бу вазиятдан қандай чиқиб кетиши жуда қизиқ бўларди.