UZ

Сўнгги янгиликлар

02:24Суперлига. "Сурхон"дан мавсумдаги илк ғалаба, "Қўқон-1912"дан илк мағлубият, "Бунёдкор" ўз уйида "меҳмон" бўлди  0 01:31Бундеслига. "Бавария" сафарда иродали ғалаба қайд этди  0 01:09Саудия Арабистони. "Ал Насср" сафарда "Ал Ҳилол"ни мағлуб қилди, Роналдудан дубль!  14 00:59U-17 Осиё Кубоги. Япониядан йирик, Ямандан ишончли ғалаба  1 00:17Февзи Давлетов: "Менга нисбатан эътирозлар? Мухлислар доимо жамоага ишониши керак"  3 23:52Баҳром Ҳайдаров: "Иккинчи қизил карточка сабабли мағлуб бўлдик"  3 23:25U-17 Осиё Кубоги. Жанубий Корея мағлуб бўлди, Австралия дуранг ўйнади  2 22:53Илёс Зейтуллаев: "Мағлуб бўлмайдиган жамоа яратиш учун ҳимояланишни, ғалаба қозонадиган жамоа бўлиш учун ҳужум қилишни билиш керак"  7 22:18Суперлига. “Сурхон” мавсумдаги илк ғалабасини 9 киши бўлиб қолган “Қўқон-1912” устидан қўлга киритди   52 21:57Улуғбек Бакаев: "Бунёдкор" ғалабани кўпроқ истаган шекилли, омад уларга кулиб боқди"  10 21:43Карло Анчелотти: "Мбаппе билан ҳужумимиз кучайди, бироқ..."  2 21:16Рубен Аморим: "Мен келаси йилдаёқ АПЛни ютамиз демаганман"  2 20:49Ислом Исмоилов: "Хитойга қарши ўйин осон ўтмайди"  3 20:22"Реал"нинг март ойидаги энг яхши футболчиси эълон қилинди  4 19:55Суперлига. "Бунёдкор" "Бухоро"ни мағлуб этди ва пешқадамга айланди  31

"Ал Васл" устози: "Пахтакор" жорий мавсум кўп гол урмаган бўлса ҳам, кам гол ўтказган, яъни жамоа ўйинида тартиб бор" Янгиликлар

"Ал Васл" устози: "Пахтакор" жорий мавсум кўп гол урмаган бўлса ҳам, кам гол ўтказган, яъни жамоа ўйинида тартиб бор"

Элит Осиё Чемпионлар Лигаси 1-туридан ўрин олган "Пахтакор" – "Ал Васл" (БАА) учрашувидан олдин матбуот анжумани ташкил қилинди.

Унда "Ал Васл" бош мураббийи Милош Милоевич иштирок этди. 

- "Пахтакор"га қарши бўлажак ўйин ҳақида қандай фикрдасиз?

- Эртага бизни жуда қийин учрашув кутиб турибди. "Пахтакор" ташкилий жиҳатдан жуда интизомли ва тартибли жамоа саналади. Уларнинг ўйинларини кўриб чиқиб шунга амин бўлдикки, жамоа футболчилари мураббий кўрсатмасини тўла-тўкис бажаришади. "Пахтакор"га ҳурмат сақлаган ҳолда шуни айтишим мумкинки, биз ҳам энг яхши ўйинимизни кўрсатишга ҳаракат қиламиз. 

- Жамоада кичик муаммолар бор эди. Эртанги ўйин олдидан ушбу муаммолар бартараф этиладими?

- Ҳа, бизда йўқотишлар бор. Эртага уч балки ундан кўп футболчилар хизматидан фойдалана олмаймиз. Шунга қарамай, улар ўрнини бошқа футболчилар билан тўлдириб, ижобий натижа кўрсатишга ҳаракат қиламиз. Бизда савияли ўйинчилар етарлича. 

- Жамоанинг жисмоний ҳолати қай даражада? Сабаби жамоа ҳар 3-4 кунда майдонга тушишга мажбур бўлмоқда. 

- Биз шундай тиғиз тақвимда ўйнашга мажбурмиз. Лекин бу ҳолат фақат бизда эмас, балки глобал муаммо саналади. Шундай экан, жамоа кейинги ўйинга жуда тез фурсатда тайёргарлик кўриши керак. Тўғри, тақвим тиғиз, лекин тез-тез футбол ўйнаб туриш футболчиларнинг ўзига ҳам ёқади. 

- Жамоаларнинг трансфер қиймати ва бошқа жиҳатлар бўйича тавофут катта. "Ал Васл" бу борада қоғозда сезиларли устунликка эга. Бу жамоангизнинг кучлилигидан дарак берадими?

- Агар сиз айтаётган жиҳатлар бўйича фаворит ҳисоблансак, бундан хурсандман. Аммо ҳозирда кўпчилик Transfermarkt'даги нархи ва бошқа кўрсаткичларига қизиқиб қолган, яъни кўпчилик футболга ташқаридан қарайди. Бундай эътирофдан хурсандман, лекин жамоамни яққол фаворит деб ҳисобламайман. Жамоанинг Чемпионлар Лигасидаги охирги ўйинларини кўриб, шундай хулосага келиш мумкинки, улар, айниқса, ўз майдонида кўп жамоага бошоғриқ туғдиради. Трансфер нархи бир жамоани иккинчисидан яққол фаворит қилиб қўймайди.

- "Пахтакор"нинг ўтган мавсумдаги ўйинлари ҳақида гапирдингиз, бироқ жамоа жорий мавсум жамоани ёшартириш йўлидан юрмоқда. Бунга қандай қарайсиз? Ёш жамоага қарши қандай ўйин таклиф қила оласиз?

- Тўғри, жамоанинг ўтган йилги ва ҳозирги ўйинларини солиштирганда, фарқ кўзга ташланади. Бироқ жамоада яхши авлод етишиб чиқмоқда. Ёш жамоага қарши ўйнашнинг ўзига яраша қийинчиликлари бор. Масалан, "Пахтакор" жорий мавсум кўп гол урмаган бўлса ҳам, кам гол ўтказган, яъни жамоа ўйинида тартиб бор. Шу жиҳатлар бизга қийинчилик туғдириши мумкин. Лекин биз қандай жамоага қарши майдонга тушишимиздан қатъи назар, дастлабки дақиқалардан ўз ўйинимизни намойиш этишга ҳаракат қиалмиз. 

- Жамоанинг жорий мавсумдаги мақсади нималардан иборат?

- Биз ўтган йили бу ерга келишга, яъни ОЧЛда иштирок этишга арзийдиган натижа кўрсатдик. Биз бунга ҳақлимиз. Ўйиндан ўйинга кучайиб, ҳар бир ўйинда ижобий натижа кўрсатишга ҳаракат қиламиз. Қандай мусобақада иштирок этмайлик, ўз ўйинимиз орқали 3 очко қўлга киритишга ҳаракат қиламиз.

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика