"Ал Шабаб"да дуранг, Азиз Ҳайдаровда 90 дақиқа

Ҳамюртимиз Азиз Ҳайдаров тўп тепаётган "Ал Шабаб" клуби сафарда "Ал Наср" билан куч синашиб 1:1 ҳисобида дуранг ўйнади.

Ўтган турни дисквалификация туфайли ўтказиб юборган Азиз Ҳайдаров бу учрашувда тўлиқ ўйнади. "Ал Шабаб" сафида ягона голни Носир Маъсуд урди. Клуб 30 очко билан мусобақа жадвалининг 4-поғонасида бормоқда.

"Ал Шабаб" навбатдаги ўйинни 17 февраль куни Форс Кўрфази чемпионлар клуби доирасида Баҳрайннинг "Манама" клубига қарши ўйнайди.

"Ал Наср" - "Ал Шабаб" 1:1
Голлар: И.Туре 37 - Носир Маъсуд 73