Саудия Арабистонининг "Ал Насср" клуби "Манчестер Юнайтед" ҳимоячиси Аарон Уан-Биссака ва ярим ҳимоячи Каземирога қизиқиш билдирмоқда. Бу ҳақда "Daily Mail" хабар бермоқда.
Саудияликлар Каземирони кўчиб ўтишга ундаш учун унга катта шартнома таклиф қилмоқчи. Уан-Биссака учун ҳам яхши шарт-шароитлар яратилади.
"Ал Насср" январь ойида футболчиларни қўлга киритишга ҳаракат қилади.
Аввалроқ "Манчестер Юнайтед" ўзининг яна икки футболчисини Саудия Арабистони клубларига сотмоқчи экани ҳақида хабар берилган эди.
