"Ал Наср" жазоланмади, Вандерлейнинг ўзи дисквалификация қилинди
02 сен 2016 18:53
Янгиликлар

"Ал Наср" жазоланмади, Вандерлейнинг ўзи дисквалификация қилинди

Қатарда бўлиб ўтган "Ал Жайиш" - "Ал Наср" учрашувида БАА клуби йирик, 3:0 ҳисобида ғалаба қозонган эди.

Мазкур учрашув атрофида катта муаммо юзага келгани ҳақида хабар бергандик.

Асли бразилиялик бўлган, ўша кунги учрашувда дубл қайд этган Сантос Вандерлей БАА Про лигасида Индонезия фуқароси сифатида қайд этилган экан. Буни билиб қолган "Ал Жайиш" раҳбарияти "Ал Наср"ни регламентга амал қилмаганини билдирувчи хатни ОФКга йўллаган. Ўз навбатида клуб Индонезия ФФга мурожаат қилиб, улардан бундай футболчи йўқлиги ҳақида маълумот олганлар.

ОФК мазкур ҳолат юзасидан текширувни бошлади ва Вандерлейни 60 кунга дисквалификация қилди. "Ал Наср"га ҳозирча ҳеч қандай жазо берилгани йўқ.

Эслатиб ўтамиз, мазкур жуфтлик ғолиби ОЧЛ ярим финалида, "Локомотив" (Тошкент) - "Ал Айн" (БАА) жуфтлиги ғолибига қарши баҳс олиб боради.

Ҳавола :

Манба : championat.asia

Янгиликларни Телеграмда ўқинг!

Рейтинг: -6