Акромжон Комилов: “Ғалаба қозондик, лекин ҳали финалга чиққанимиз йўқ”

“Пахтакор”га қарши ўйин оғир ўтди. Тўғри дастлабки ўйинда ғалаба қозондик ва ўзимизга керакли натижага эришдик. Аммо олдинда жавоб баҳси бор. Финалга чиқиш учун иккинчи ўйинда ҳам бугунгидек ҳаракат қилиш даркор. Дастлабки учрашувда барча шерикларим яхши ҳаракат қилишди. Мураббийларнинг барча топшириқларини бажаришди. “Пахтакор” кейинги ўйинда босими кучайтиради ва биз жавоб ўйинига икки баробар куч бн ҳаракат қилишимиз керак”, - дейди Комилов.

- Учрашувни захира ўриндиғида бошладингиз...
- Сергей Лушан мени захирада қолдириб тўғри қилди. Чунки ўйинни четдан кузатишим ва ўзимга керели хулосани чиқаришим керак эди. Бу менга фойда берди деб ўйлайман. Гол бўлган вазиятга келсак имконият бўлди дегунча дарвозага зарба бераман. Ўша вазиятда ҳам тўп қулай келгани учун зарба бердим, шукурки гол бўлди.

- Олдинда “Шўртан” билан Ғузордаги баҳс кутиб турибди.
- Биз бугундан “Шўртан” билан ўйинга тайёргарликни бошладик. “Шўртан” иккинчи даврани иккита ғалаба билан бошлади. Ўйин оғир ўтишини олдиндан айтиш мумкин. Бироқ биз ҳам ғалабали сериямизни давом эттишни истаймиз. Шу боис Ғузорга ғалаба учун борамиз.

Нарзулла Сайдуллаев