Акобирхўжа Шукуруллаев ишлаган ўйинда меҳмон жамоага техник мағлубият ёзилди. Нимага?

Биринчи лига 3-туридан ўрин олган "Қумқўрғон" — "Насаф-Фарм" учрашуви 2:2 ҳисобидаги дуранг билан якунига етганди. Бироқ, "Насаф-Фарм" жамоаси учрашув қайдномасига киритилмаган футболчини захирадан майдонга туширгани сабабли Биринчи лига регламентининг 8.6-бандига мувофиқ жамоага 0:3 ҳисобидаги техник мағлубият, "Қумқўрғон" клубига эса 3:0 ҳисобидаги техник ғалаба ёзилди, - деб ёзди ПФЛ расмий сайти.

Мазкур баҳсда Акобирхўжа Шукуруллаев бош ҳакам бўлган, қанотларда Сардор Содиқов ва Абдуазиз Абдуҳамитов ишлашган. Захира ҳаками сифатида Шуҳратбек Мирзаев фаолият олиб борган ва қайдномада йўқ футболчини майдонга тушишида энг катта хатога йўл қўйган.

Қизиғи кеча Ўзбекистон кубоги доирасидаги "Сурхон" - "Динамо" учрашувида ҳам Шукуруллаев, Содиқов ва Абдуҳамитов ишлашган. Захира ҳаками алмашган холос: Мирзаев ўрнига Эркин Маматмўминов.