Агуэро Аргентина футболи раҳбариятини танқид қилди

"Мен ҳали терма жамоа футболчилари билан кўришганим йўқ. Ҳаммаси жуда ғалати. Ҳа, назоратдан ўтиш учун ҳужжатлар бўлиши керак. Расмийлаштириш ишлари учун уч-тўрт кун керак бўлиши менга ғалати туюлади.

Мен сўраганимда, улар юқоридан топшириқ келганини айтишди, лекин терма жамоа билан учрашишга рухсат берилган бошқа одамларни кўриб турибман. Улар менга керакли ҳужжатларни тезда беришмаётгани ғалати.

Мен терма жамоада бўлганман ва улар тез фурсатда аккредитациядан ўтишларини биламан. Ҳеч кимни безовта қилмайман, ҳаммаси ҳал бўлгунча кутаман.

Мен келиб, ҳаммага омад тилашни хоҳлагандим. Жуда кам учрайдиган вазият бўляпти. Мен ҳеч қачон ҳеч кимга ёмонлик қилмаганман, ўзимни ҳар доим яхши тутганман. Балки кескин гапни кўтаролмайдиганлар бордир. Аргентина футбол ассоциацияси келишимни истамаса, буни юзимга айтсин", – деди Агуэро.