АГМК финалнинг драматик кечган иккинчи ўйинида ҳам "Пахтакор"ни мағлуб этди ГАЛЕРЕЯ

Кеча учинчи ўрин учун кечган иккинчи ўйинда "Навбаҳор" ва "Насаф" жамоалари ўзаро 4:4 ҳисобида дуранг ўйнашди. Пенальтилар сериясида эса омад наманганликлар томонида бўлди - 2:1. Биринчи баҳсда қаршиликлар 6:3 ҳисобида зафар қучишган эди. Бугун жамоалар ҳал қилувчи охирги учрашувни ўтказишади.

Финалнинг иккинчи баҳсида "Пахтакор" ва АГМК жамоалари драматик ўйинни намойиш этиб беришди. Биринчи кунда олмалиқликлар 6:1 ҳисобида осон ғалабани қўлга киритишганди. Кечаги тўқнашув эса кескин ва муросасиз курашлар остида ўтди. Якунда жароҳатлар гирдобига тушиб қолган Равшан Ражабов бошчилигидаги "шерлар" 1-бўлимдан кейинги устунликни сақлаб қола олишмади. Александр Петров мураббийлигидаги АГМК эса жароҳатлар нуқтаи-назаридан устунликдан фойдалана олди ва якунда 5:4 ҳисобида ғалаба қозонди. Агар бугунги ўйинда олмалиқликлар ғалаба қозонишса финал серияси якунига етади. Бордию, пойтахтликлар бу сафар ғалабани ўзлариники қила олишса, финал серияси давом этади.

Футзал, финал
2-кун, 16.12.2019
"Пахтакор" - АГМК 4:5
Голлар: Д.Шавкатов 14, 17, 19, Т.Садиров 34 - И.Ропиев 4, 21, И.Ҳамроев 18, 26, Т.Садиров 32 (авт.)
"Пахтакор"(биринчи бешлик): Равшан Элибоев, Дилшод Ирсалиев, Феруз Фаҳриддинов, Авазбек Абдувалиев, Илҳом Ражабов.
Захира: Муҳаммад Зоиров, Маҳсуд Файзуллаев, Тимур Садиров, Дилмурод Шавкатов, Фаҳриддин Самегов, Фарҳод Абдумавлонов, Акмал Ҳазратқулов.

АГМК (биринчи бешлик): Рустам Умаров, Машраб Адилов, Даврон Валижонов, Акбар Усмонов, Темур Бердиев.
Захира: Аббосбек Ўлмасалиев, Ихтиёр Ропиев, Илҳомжон Ҳамроев, Даврон Абдураҳмонов, Дилшод Раҳматов, Алан Аминов, Исламбек Бийтураев, Анасхон Раҳматов, Ҳусниддин Нишонов.
Огоҳлантиришлар: А.Абдувалиев 27, Д.Ирсалиев 32 - Ҳ.Нишонов 7