Агар Варан "Реал"да қолса Рамос билан шартнома узайтирилмаслиги мумкин

Маълумотларга кўра, "Реал" бунгача Рафаэль Варанга янги шартнома таклиф қилган, аммо футболчи ушбу таклифга жиддий қизиқиш билдирмаган. У Мадридда маошининг ошириб беришларини истамоқда. 

"Реал" шунингдек Алабани эркин агент сифатида ўз таркибига қўшиб олиши кутилмоқда. 

Агар "Реал" франциялик футболчи билан янги шартнома тузса, Рамос билан келишув узайтирилмайди. Агар мадридликлар 28 ёшли Варанни 70 миллион еврога сотиб юборадиган бўлишса, Рамос клубда қолади. 

Эслатиб ўтамиз, 35 ёшли Рамос клуб билан 2 йиллик шартнома тузишни истамоқда. Аммо "Реал" шартномани 1+1 кўринишида имзоламоқчи.