Африка кубогининг энг ёши катта футболчиси ким?

У мусобақанинг гуруҳ босқичи 1-турида Мали терма жамоасига қарши баҳсда майдонга тушди. Ал Хадари беллашувнинг 25-дақиқасида мисрликларнинг асосий посбони Аҳмад Ал Шенави ўрнига майдонга тушди.

Шу тариқа икки кун олдин 44 ёшини қарши олган посбони мусобақа тарихида майдонга тушган энг ёши катта футболчи бўлди.

Бундан аввалги рекорд Ал Хадарининг юртдоши, ҳужумчи Хоссам Ҳасанга тегишли бўлиб, у 2006 йилги Африка кубоги баҳсларида майдонга тушганида 39 ёшу, 5 ой, 24 кунли бўлганди.

Таъкидлаш жоизки, Ал Хадари еттинчи маротаба ушбу турнирда қатнашмоқда. Бу борада рекорд камерунлик Ригобер Сонгга тегишли (8 марта).